قر اقپارات جەنە قوعامدىق دامۋ مينيسترٸ دەۋرەن اباەۆ پارلامەنت سەناتىندا قارالىپ جاتقان بەيبٸت جينالىستار تۋرالى زاڭ جوباسىنا قاتىستى تاعى پٸكٸرٸن بٸلدٸردٸ, دەپ حابارلايدى قازاقپارات.
ايتا كەتسەك, «اشىق ديالوگ» باعدارلاماسىندا مينيسترگە «بەيبٸت جينالىستار تۋرالى زاڭ جوباسى حالىقارالىق ستاندارتتارعا ەلٸ دە ساي ەمەستٸگٸ تۋرالى ادام قۇقىعىن قورعاۋ ۇيىمدارى سىن ايتۋدا. بۇعان قاتىستى نە ايتار ەدٸڭٸز?» دەگەن سۇراق قويىلدى.
«ەڭ الدىمەن, ادام قۇقىعىن قورعاۋ ۇيىمدارىنىڭ بەرٸ دە بۇل پوزيتسييانى ۇستاپ وتىر دەپ ايتا الماس ەدٸم. يە, زاڭ جوباسىن جٷيەلٸ تٷردە سىناپ كەلە جاتقاندارى بار. كەيدە سولار ٷشٸن بەرٸن بۇرىنعى قالىپتا قالدىرىپ, 1995 جىلعى زاڭمەن ٶمٸر سٷرە بەرگەن ىڭعايلى بولار ما ەدٸ دەگەن سەزٸم دە تۋىندايدى. ەيتسە دە, زاڭ جوباسىنىڭ پروگرەسسيۆتٸلٸگٸن سانالى تٷردە شەتتەۋ – مەنٸڭشە, بۇرىس ستراتەگييا. سەبەبٸ زاڭ دايىنداۋ – ساۋدا ٸسٸ ەمەس. بٸز ٷكٸمەت اتىنان ۇلتتىق مٷددە, ۇلتتىق قاۋٸپسٸزدٸكتٸ, ەل اۋماعىنىڭ تۇتاستىعىن ساۋداعا سالىپ وتىرعان جوقپىز», - دەپ جاۋاپ بەردٸ مينيستر.
دەۋرەن اباەۆ ٶز سٶزٸندە قۇقىق ماماندارىنىڭ كەيبٸرٸ شەتەل ازاماتتارىنا ميتينگٸلەرگە قاتىسۋ قۇقىعىن بەرۋ تۋرالى ۇسىنىس بٸلدٸرٸپ جاتقانىن ەسكە الدى.
«ەلبەتتە, بەرٸن تٷسٸنٸپ وتىرمىز. تٸپتٸ, حالىقارالىق ستاتۋتتاردىڭ دا وسىنى تالاپ ەتٸپ وتىرعانىنان حاباردارمىز. دەگەنمەن, قازاقتا «جامان ٷيدٸ قوناعى بيلەيدٸ» دەگەن جاقسى سٶز بار. بٸز ەرينە, قوناعىن قۇدايداي سىيلاعان حالىقپىز. بٸراق قوناق قويدان جۋاس بولۋى كەرەك», - دەدٸ ول.
مينيستر زاڭدى قابىلداۋ مەسەلەسٸندە قاۋٸپتٸڭ بەرٸن, ەلدٸڭ ەرەكشەلٸگٸن, اۋماقتىق جاعدايىن, حالىقتىڭ ساياسي مەدەنيەتٸ مەن قۇرىلىمىن, ەتنوستىق قۇرامى مەن دٸنٸن, كونفەسسيياسىن ەسكەرۋ كەرەكتٸگٸن ايتىپ ٶتتٸ.
«مەنٸڭ ويىمشا, شەتەلدٸكتەرگە ميتينگكە قاتىسۋ قۇقىعىن بەرۋ – ەلٸ ەرتە. الايدا وسىناۋ جاعدايدا كٶڭٸلگە كٸربٸڭدٸ باسقا جاي ۇيالاتادى: وسى ەڭگٸمەلەردٸڭ ارتىندا زاڭ جوباسىنا ەنگٸزٸلگەن ٶتە ماڭىزدى جاڭاشىلدىقتار كٶرٸنبەي قالدى. ەڭ باستىسى – ەسكەرتۋ تەرتٸبٸ ەنگٸزٸلدٸ. بۇل پروگرەسس ەمەس پە? ەندٸ ميتينگ ٶتكٸزۋ ٷشٸن تەك ەسكەرتۋ جازساڭىز بولعانى. ەشقانداي رۇقسات الۋدىڭ قاجەتٸ جوق. بەيبٸت جيىنداردى ٶتكٸزۋدە پرەزۋمپتسييا قاعيداتى ەنگٸزٸلدٸ. زاڭمەن تٸكەلەي ٶتكٸزۋگە تىيىم سالىنعان جەردەن باسقا پيكەتتەردٸ كەز كەلگەن ورىندا ٶتكٸزۋ قۇقىعى بەرٸلدٸ. ەسكەرتۋدٸ بەرۋدٸڭ مەرزٸمٸ قىسقارتىلدى. ميتينگكە قاتىسۋشىلاردىڭ سانى بويىنشا شەكتەۋلەردٸڭ بەرٸ الىنىپ تاستالدى. سول سەبەپتٸ زاڭ جوباسىنا جالپى كٶزقاراسپەن قاراپ باعا بەرگەن ابزال», - دەيدٸ دەۋرەن اباەۆ.
