قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ كٸرٸستٸ جالپىعا ورتاق دەكلاراتسييا تاپسىرۋ اياسىندا جٷرگٸزٸلەتٸن تەكسەرۋ تەتٸكتەرٸن جارييا ەتتٸ, دەپ حابارلايدى قازاقپارات.
«جالپىعا ورتاق دەكلاراتسييالاۋ باستالعان كەزدە كٸرٸس پەن شىعىس اراسىنداعى ايىرماشىلىق كٶرٸنەتٸن بولادى. سوندىقتان دا بٷگٸندە زاڭنامامەن ايتارلىقتاي ايىرماشىلىق رەتٸندە 10 پايىزدىق سالىق ايىرماسى بەلگٸلەنگەن. ەندٸگٸ ۋاقىتتا مۇنداي ايىرماشىلىق قارجىلىق تەكسەرۋگە تٷرتكٸ بولادى», - دەدٸ اگەنتتٸك باسشىسى ٷكٸمەتتٸك ەمەس ۇيىمدار ٶكٸلدەرٸمەن ونلاين-كەزدەسۋدە.
وسى رەتتە اگەنتتٸك ويىن تارقاتا تٷسٸندٸرٸپ بەردٸ.
«ەگەر مەملەكەتتٸك قىزمەتشٸ بٷگٸندە شامامەن 10 ملن تەڭگە تابىس الاتىن بولسا, ال شىعىسى 100 ملن تەڭگەگە جەتسە, وندا «بۇل قاراجاتتى قايدان الدى» دەگەن سۇراق تۋىندايتىنى سٶزسٸز. ول ونىڭ زاڭدى الىنعان كٸرٸس ەكەندٸگٸن كٶرسەتسە ەشقانداي سۇراق تۋىندامايدى. ال ەگەر ول تٷسٸندٸرە الماسا, وندا ونىڭ كٶلەگەيلٸ بيزنەسٸ بولۋى مٷمكٸن. ونىڭ جەمقورلىقپەن تابىلعان اقشا بولۋى مٸندەتتٸ ەمەس. دەمەك, كٸرٸستٸڭ قايدان الىنعانىن تٷسٸندٸرە الماسا, وندا قاراجاتتىڭ قالعان 90 پايىزى ايىپپۇل تٷرٸندە تەركٸلەنەدٸ», - دەدٸ مارات احمەتجانوۆ.
