QR Sybailas jemqorlyqqa qarsy is-qimyl agenttiginiń tóraǵasy Marat Ahmetjanov kiristi jalpyǵa ortaq deklaratsiia tapsyrý aiasynda júrgiziletin tekserý tetikterin jariia etti, dep habarlaidy QazAqparat.
«Jalpyǵa ortaq deklaratsiialaý bastalǵan kezde kiris pen shyǵys arasyndaǵy aiyrmashylyq kórinetin bolady. Sondyqtan da búginde zańnamamen aitarlyqtai aiyrmashylyq retinde 10 paiyzdyq salyq aiyrmasy belgilengen. Endigi ýaqytta mundai aiyrmashylyq qarjylyq tekserýge túrtki bolady», - dedi agenttik basshysy úkimettik emes uiymdar ókilderimen onlain-kezdesýde.
Osy rette agenttik oiyn tarqata túsindirip berdi.
«Eger memlekettik qyzmetshi búginde shamamen 10 mln teńge tabys alatyn bolsa, al shyǵysy 100 mln teńgege jetse, onda «bul qarajatty qaidan aldy» degen suraq týyndaityny sózsiz. Ol onyń zańdy alynǵan kiris ekendigin kórsetse eshqandai suraq týyndamaidy. Al eger ol túsindire almasa, onda onyń kólegeili biznesi bolýy múmkin. Onyń jemqorlyqpen tabylǵan aqsha bolýy mindetti emes. Demek, kiristiń qaidan alynǵanyn túsindire almasa, onda qarajattyń qalǵan 90 paiyzy aiyppul túrinde tárkilenedi», - dedi Marat Ahmetjanov.
