ماماندار قازاقستاندىقتاردى تابىس دەكلاراتسيياسىن تەزٸرەك ٶتكٸزۋگە شاقىرىپ جاتىر. ٶيتكەنٸ ەل ازاماتتارى قازٸردەن قيمىلداماسا, قۇجاتتى ٶتكٸزۋدە بەلگٸلٸ بٸر قيىندىقتارعا تاپ بولۋى مٷمكٸن. بۇل تۋرالى بٷگٸن الماتىدا ٶتكەن باسپاسٶز مەسليحاتىندا رەسپۋبليكالىق كەسٸپكەرلەرگە كٶمەك ورتالىعىنىڭ ديرەكتورى دميتريي كازانتسەۆ مەلٸم ەتتٸ, دەپ حابارلايدى Sputnik قازاقستان تٸلشٸسٸ.
2020 جىلدىڭ 1 قاڭتارىنان باستاپ قازاقستاننىڭ 13 ميلليونعا جۋىق تۇرعىنى تابىس پەن مٷلٸك بويىنشا جىل سايىن دەكلاراتسييا ٶتكٸزەتٸن بولادى. بۇل ەسەپتٸ ەل ازاماتتارى قاعاز تٷرٸندە 2020 جىلدىڭ 15 شٸلدەسٸنە دەيٸن, ال ەلەكتروندى تٷردە 15 قىركٷيەككە دەيٸن ٶتكٸزۋ كەرەك.
"ويلاڭىزشى, 13 ميلليون (!) ادام دەكلاراتسييا ٶتكٸزەدٸ. بۇل - ٶتە كٶپ كٶلەم. مامان رەتٸندە بۇل دەكلاراتسييانى قاعاز تٷرٸندە ٶتكٸزبەۋگە كەڭەس بەرەر ەدٸم. ٶيتكەنٸ ول قاۋٸپسٸز. ال كٷزدە سوڭعى سەتتە 13 ميلليون ادام ەلەكتروندى بازاعا لاپ قويسا, نە بولادى? ەرينە, بازا كٸبٸرتٸكتەيدٸ. سالدارىنان قانشاما ادام ٶزٸنٸڭ تابىس دەكلاراتسيياسىن دەر ۋاقىتىندا ٶتكٸزٸپ ٷلگەرمەي قالادى. سوندىقتان بٸز حالىقتى بۇل جايت تۋرالى الدىن الا ەسكەرتٸپ, حابارلاپ جاتىرمىز", - دەدٸ كازانتسەۆ.
ال دەكلاراتسييا دەر ۋاقىتىندا ٶتكٸزٸلمەي قالسا, كازانتسەۆتٸڭ ايتۋىنشا, ادام ەكٸمشٸلٸك جاۋاپكەرشٸلٸككە تارتىلۋى مٷمكٸن.
"ٷلگەرمەسە نەمەسە تولتىرعان قۇجاتتا شىنايى اقپارات كٶرسەتٸلمەسە, وندا ول ادامعا 30 ايلىق ەسەپتٸك كٶرسەتكٸش كٶلەمٸندە نەمەسە 75 750 تەڭگە ايىپپۇل سالىنادى", - دەدٸ ول.
قازاقتىڭ تويى دا دەكلاراتسييالاۋعا جاتاتىن بوپ شىقتى. ەرينە, تويدان تٷسكەن اقشا مەن سىيلىقتىڭ قۇنى 500 مىڭ تەڭگەدەن اسقان جاعدايدا.
"دەكلاراتسييادا قۇنى 500 مىڭ تەڭگەدەن اساتىن, بولاشاقتا ساتۋعا بولاتىن نەرسەلەردٸ كٶرسەتۋگە كەڭەس بەرەمٸن. بۇل باعالى بۇيىمدار, توندار, كارتينالار بولۋى مٷمكٸن. ال, مەسەلەن تويدان تٷسكەن اقشالاي سىيلىقتى دەكلاراتسيياداعى "تاعى باسقا" دەگەن گرافاعا تولتىرۋعا بولادى. ٶتە باعالى سىيلىق الساڭىز, وندا سىيلاۋشىدان مٷمكٸندٸك بولسا, چەگٸن سۇراپ الۋعا كەڭەس بەرەر ەدٸم", - دەيدٸ كازانتسەۆ.
وعان قوسا, ەندٸ قازاقستاندىقتار بانك كارتاسى ارقىلى جٶن-جوسىقسىز اقشا اۋدارىمىن جاساي المايدى.
"مىسالى, دوسىڭىز "كارتانى بەرشٸ, اقشا اۋدارتىپ الا قويايىن" دەيدٸ. ەگەر ول ٷلكەن سوما بولسا جاعداي قيىن. ٶيتكەنٸ سالىقشىعا سٸز ونىڭ قانداي اقشا ەكەنٸن دەلەلدەي المايسىز. بٸرەۋ كارتاڭىزدى پايدالانىپ, 1 ميلليون تەڭگە جٶنەلتتٸ دەلٸك. سول 1 ميلليون تەڭگەنٸڭ سالىعى سٸزدەن الىناتىن بولادى, سەبەبٸ ول دەكلاراتسييالانباعان", - دەيدٸ ول.
