جىل باسىنان بەرٸ ٸشكٸ ٸستەر ورگاندارى جالعان پتر-تە جاساۋدىڭ 39 جاعدايىن, ۆاكتسينالاۋ پاسپورتىن قولدان جاساۋدىڭ 23 فاتٸسٸن تٸركەگەن, دەپ حابارلايدى "ۇلت اقپارات".
ٸشكٸ ٸستەر مينيسترلٸگٸنٸڭ باسپاسٶز ٶكٸلٸ شۇعىلا تۇرلىبەك ۆەدومستۆونىڭ اقپارات الاڭىندا وسىنداي مەلٸمەت بەردٸ.
«جالعان پتر-تەستەر مەن ۆاكتسيناتسييا پاسپورتتارىن قولدان جاساۋشىلاردى, پايدالانۋشىلاردى انىقتاۋ باعىتىنداعى جۇمىستار بەلسەندٸ جٷرٸپ جاتىر. تەرگەۋ بٶلٸمشەلەرٸنٸڭ ٶندٸرٸسٸندە پتر-تەستەردٸ قولدان جاساۋ, دايىنداۋ نەمەسە ٶتكٸزۋ بويىنشا قىلمىستىق كودەكستٸڭ 385-بابىمەن 42 قىلمىستىق ٸس قوزعالدى. ونىڭ ٸشٸندە 39-ى بيىل تٸركەلگەن. ۆاكتسيناتسييا پاسپورتتارىن قولدان جاساۋ بويىنشا جىل باسىنان بەرٸ 23 قىلمىستىق ٸس تٸركەلدٸ, تەرگەۋ جالعاسۋدا. قولدان جاسالعان قۇجاتتاردىڭ سانى جەنە ەربٸر ٸس بويىنشا زاڭعا قايشى ەرەكەت ەتكەندەردٸڭ سانى دا ەرتٷرلٸ. ولار تەرگەۋ قورىتىندىسى بويىنشا ناقتىلانادى», - دەدٸ مينيسترلٸك ٶكٸلٸ.
ونىڭ ايتۋىنشا, ٸشكٸ ٸستەر ورگاندار ۆاكتسيناتسييا پاسپورتتارى مەن پتر-تەستٸڭ جالعان انىقتامالارىن ساتۋ فاكتٸلەرٸن انىقتاۋ ٷشٸن تٷرلٸ جەدەل ٸزدەستٸرۋ ٸس-شارالارىن ەلٸ جالعاستىرا بەرەدٸ.
«پوليتسييا قىزمەتكەرلەرٸ مەديتسينالىق ورتالىقتاردى, ەمحانالاردى, ۆاكتسينا الۋ پۋنكتەرٸن تەكسەرۋدٸ جالعاستىرۋدا. ٸشكٸ ٸستەر مينيسترلٸگٸ جالعان قۇجات جاساعانى ٷشٸن 4 جىلعا دەيٸن باس بوستاندىعىنان ايىرۋ تٷرٸندەگٸ قىلمىستىق جاۋاپكەرشٸلٸك, ال ونى پايدالانعانى ٷشٸن 40 تەۋلٸككە دەيٸن قاماۋعا الۋ كٶزدەلگەنٸن ەسكە سالادى», - دەدٸ شۇعىل تۇرلىبەك.
