8 سەۋٸردە "قازاتومٶنەركەسٸپ" ۇلتتىق كومپانيياسىنىڭ بۇرىنعى جەتەكشٸسٸ, جاقىندا تٷرمەدەن شىققان مۇحتار جەكٸشەۆ Facebook-تا تٸكەلەي ەفيرگە شىعىپ, قولدانۋشىلاردىڭ سۇراقتارىنا جاۋاپ بەردٸ. ول بوستاندىقتاعى العاشقى بٸرنەشە اپتانىڭ قالاي ٶتكەنٸن ايتىپ, ەسەرٸمەن بٶلٸستٸ, دەپ جازادى ازاتتىق.
ەفير باسىندا تٷرمەدە وتىرعان كەزدە ٶزٸن قولداعان ازاماتتارعا العىس ايتىپ, كەلگەن حاتتار "سٷزگٸدەن ٶتكەندٸكتەن" جاۋاپ بەرۋگە مٷمكٸندٸگٸ بولماعانىن جەتكٸزدٸ.
11 جىلدان كەيٸن بٸرٸنشٸ رەت وتباسىمەن قاۋىشقان جەكٸشەۆ بالالارىنىڭ "ٶز پٸكٸرٸ قالىپتاسقان ەرەسەك ازامات" بولعانىن كٶرٸپ قۋانعانىن ايتتى. بٸراق شۆەيتساريياداعى ٷلكەن قىزىن كارانتينگە بايلانىستى كٶرە الماعانىن جەتكٸزدٸ.
ول تٷرمەدەن شىققاننان كەيٸن بٸرٸنشٸ كٷنٸ اناسىنىڭ قابٸرٸنە بارعان.
"انام ەكەمنٸڭ جانىنا جەرلەنگەن ەكەن. قابٸر باسىندا بٸر جارىم ساعات تۇردىم. ٶزٸمدٸ جالعىز قالدىرىپ كەتۋدٸ سۇرادىم. سەبەبٸ مەنٸڭ ايتاتىنىم كٶپ ەدٸ. اتا-انام مەنٸ ەستيتٸن شىعار دەپ ٷمٸتتەنەمٸن" دەدٸ جەكٸشەۆ ەفير كەزٸندە.
2018 جىلى قىركٷيەك ايىندا جەكٸشەۆتٸڭ اناسى اۋىر سىرقاتتانىپ, كٶز جۇمعان بولاتىن. تٷرمەدە بولعان جەكٸشەۆكە قىلمىستىق اتقارۋ جٷيەسٸ كوميتەتٸ اناسىنىڭ جەرلەۋ رەسٸمٸنە قاتىسۋىنا رۇقسات بەرمەگەن.
8 سەۋٸردە تٸكەلەي ەفير كەزٸندە جەكٸشەۆ كارانتينگە بايلانىستى تولىق مەديتسينالىق تەكسەرۋدەن ٶتە الماعانىن, كارانتيننٸڭ اياقتالۋىن كٷتٸپ جٷرگەنٸن ايتتى.
"دەرٸگەرلەر راستاسا, اۋرۋدى جەڭەم دەگەن ٷلكەن ٷمٸتٸم بار. ەگەر ايىقسام, الداعى ۋاقىتتا ٶزٸمدٸ مامانىمىن دەپ ەسەپتەيتٸن جەنە قىزىعاتىن سالا - جۇمىس ورىندارى مەن كەسٸپورىن اشۋعا كٷش سالامىن" دەدٸ ول.
ول ەل ەكونوميكاسىنا بايلانىستى سۇراقتارعا تەرەڭ جاۋاپ بەرە المايتىنىن, سەبەبٸ قولىندا اقپاراتى جوعىن جەنە بار اقپاراتتى ساراپتاپ ٷلگەرمەگەنٸن جەتكٸزدٸ.
"كٷنٸنە ەكٸ ساعاتتان ارتىق جۇمىس ٸستەسەم, قان قىسىمىم كٶتەرٸلٸپ كەتەدٸ" دەدٸ جەكٸشەۆ.
الداعى جوسپارى تۋرالى سۇراققا "بەرٸ دەنساۋلىعىما بايلانىستى" دەپ جاۋاپ بەردٸ. ول الداعى ۋاقىتتا وسىلايشا تٸكەلەي ەفيرگە شىعىپ تۇرۋى مٷمكٸن ەكەنٸن ايتتى.
تٸكەلەي ەفير كەزٸندە جەكٸشەۆ اتوم ەنەرگەتيكاسى, كارانتين, عالامدىق داعدارىس سيياقتى مەسەلەلەردٸ شولىپ ٶتتٸ.
ايتا كەتەيٸك, 19 ناۋرىزدا "قازاتومٶنەركەسٸپ" ۇلتتىق كومپانيياسىنىڭ بۇرىنعى باسشىسى مۇحتار جەكٸشەۆ شارتتى جازامەن بوستاندىققا شىققان ەدٸ.
2009 جىلى قازاقستان سوتى مۇحتار جەكٸشەۆتٸ جەمقورلىق قىلمىسىن جاساعان دەگەن ايىپپەن 14 جىلعا تٷرمەگە قاماۋعا ٷكٸم ەتكەن.
