ەلدٸڭ ورنىقتى دامۋى ٷشٸن مەملەكەتتٸڭ بەسەكەگە قابٸلەتتٸلٸگٸن ارتتىرۋ جەنە ەرتاراپتاندىرۋ بويىنشا تەرەڭ قۇرىلىمدىق رەفورمالار قاجەت. بۇل تۋرالى قر پرەزيدەنتٸ جانىنداعى قسزي ەلەۋمەتتٸك-ەكونوميكالىق زەرتتەۋلەر بٶلٸمٸنٸڭ اعا عىلىمي قىزمەتكەرٸ اننا الشانسكايا ايتتى, دەپ حابارلايدى قازاقپارات.
«التى ايدان بەرٸ ەلەمنٸڭ بارلىق ەلدەرٸ بۇرىن-سوڭدى بولماعان COVID-19 ۆيرۋسىمەن كٷرەسٸپ, ەلەمدٸك ەكونوميكا پاندەمييا سالدارىنان اۋىر زارداپ شەگٸپ وتىر. دٷنيەجٷزٸلٸك بانك بولجامىنا سەيكەس 2020 جىلى جاھاندىق جٸٶ 5,2% تٶمەندەيدٸ دەپ كٷتٸلۋدە. سونىمەن قاتار, قازٸرگٸ داعدارىستىڭ ەرەكشەلٸگٸ – ونىڭ قانشاعا سوزىلارىنىڭ بەلگٸسٸز ەكەندٸگٸ بولىپ وتىر. پاندەمييانىڭ ۇزاقتىعى كٶپتەگەن فاكتورلارعا – ۆاكتسينانىڭ جاسالۋىنا, «ۇجىمدىق يممۋنيتەتتٸڭ» قالىپتاسۋىنا, ۆيرۋستىڭ ىقتيمال ٶرشۋٸنە, سونىمەن قاتار مەملەكەتتەردٸڭ شۇعىل ەرەكەتتەرٸنٸڭ تيٸمدٸلٸگٸنە بايلانىستى», - دەيدٸ ساراپشى.
مەملەكەت باسشىسى ق.توقاەۆتىڭ قاتىسۋىمەن ٶتكەن ٷكٸمەتتٸڭ كەڭەيتٸلگەن وتىرىسى ەل ەكونوميكاسىن داعدارىستىق باسقارۋ جەنە كوروناۆيرۋستىڭ تارالۋىنا قارسى كٷرەس مەسەلەلەرٸنە ارنالدى. وسىلايشا, 2020 جىلدىڭ بٸرٸنشٸ جارتىجىلىندا قازاقستاننىڭ جٸٶ 1,8%-عا تٶمەندەگەن.
«ەسٸرەسە, قىزمەت كٶرسەتۋ سەكتورى پاندەمييا ەسەرٸن ايرىقشا سەزٸندٸ – بۇل كەزەڭدە ٶندٸرٸس 5,6% تٶمەندەگەن. كارانتيندٸك شارالار مەن شيكٸزات نارىعىنداعى تۇراقسىزدىق سالدارى ەلدٸڭ بيۋدجەتتٸك جٷيەسٸنە دە ەسەر ەتتٸ – بيۋدجەتتٸڭ شىعىنى شامامەن 1,7 ترلن تەڭگەنٸ قۇرادى. كورونوۆيرۋستىق پاندەمييا ەڭبەك نارىعىنا دا ىقپال ەتتٸ. ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸ بويىنشا, جۇمىسپەن قامتۋ ورگاندارىندا 2020 جىلدىڭ مامىر ايىنىڭ سوڭىندا جۇمىسسىز رەتٸندە تٸركەلگەندەر سانى 161,3 مىڭ ادامدى نەمەسە جۇمىس كٷشٸنٸڭ 1,7% قۇرادى», - دەدٸ ا. الشانسكايا.
سونداي-اق, داعدارىسقا قارسى قابىلدانعان شارالارعا قاراماستان, پاندەمييانىڭ جالعاسۋى مەن جاڭا سانيتارلىق شەكتەۋلەر بيزنەس قۇرىلىمدارىن دا, حالىقتىڭ تٷرلٸ توپتارىن دا قوسىمشا قولداۋ شارالارىن قابىلداۋعا مەجبٷرلەپ وتىر.
«وسىلايشا, پرەزيدەنت تاپسىرماسىمەن ٷكٸمەت پەن ۇلتتىق بانك اعىمداعى جاعدايدىڭ ناشارلاۋى مٷمكٸن جاعدايعا ەلەۋمەتتٸك-ەكونوميكالىق شارالاردىڭ جاڭا پاكەتٸن ەزٸرلەيدٸ. سونىمەن بٸرگە, ورتالىق جەنە جەرگٸلٸكتٸ مەملەكەتتٸك ورگانداردىڭ كەيبٸر كەمشٸلٸكتەرٸ مەن قاتەلٸكتەرٸن ەسكەرە وتىرىپ, مەملەكەت باسشىسى كوروناۆيرۋستىق پاندەمييامەن كٷرەسكە بٶلٸنگەن بيۋدجەت قاراجاتىن جۇمساۋدىڭ تيٸمدٸلٸگٸن تالداۋدى تاپسىردى. پرەزيدەنت ايتقانداي, جالپى COVID-19 پاندەميياسىنان تۋىنداعان قازٸرگٸ داعدارىس ەلدٸڭ نەگٸزگٸ ەكونوميكالىق پروبلەمالارىن, ەلەۋمەتتٸك جٷيەنٸڭ كەمشٸلٸكتەرٸن جەنە ٷكٸمەتتٸڭ قاتەلٸكتەرٸن ايقىندادى. ەلدٸڭ ورنىقتى دامۋى ٷشٸن مەملەكەتتٸڭ بەسەكەگە قابٸلەتتٸلٸگٸن ارتتىرۋ جەنە ەرتاراپتاندىرۋ بويىنشا تەرەڭ قۇرىلىمدىق رەفورمالار قاجەت», - دەدٸ ا. الشانسكايا.
