ماڭعىستاۋ وبلىسىندا ەر ادام 5 مىڭ شاقىرىمدى باعىندىرۋدى جوسپارلاپ وتىر, دەپ حابارلايدى "ۇلت اقپارات" Lada.kz سايتىنا سٸلتەمە جاساپ.
بەينەۋ ٶڭٸرٸنٸڭ 64 جاستاعى تۇرعىنى راببيم بوراشەۆ 26 شٸلدە مەن 11 تامىز ارالىعىندا پاريجدە ٶتەتٸن جازعى وليمپيادا ويىندارىن تاماشالاۋ ٷشٸن ۆەلوشەرۋگە اتتاندى.
ەر ادام زەينەت جاسىنا دەيٸن قۇرىلىس سالاسىندا ەڭبەك ەتكەن. سوڭعى جىلدارى ول ۆەلوسپورتقا قىزىعىپ, بٸرنەشە جارىستارعا قاتىسىپ ٷلگەرٸپتٸ.
پاريجگە ۆەلوسيپەدپەن جەتۋ ٷشٸن ارنايى دايىندىق قاجەت. جوسپار بويىنشا ول 7 مەملەكەتتٸڭ اۋماعىن كەسٸپ ٶتٸپ, 5 مىڭ شاقىرىم جٷرۋٸ كەرەك.
"وليمپياداعا بارۋ مەنٸڭ ارمانىم دەپ ايتا الامىن. جاس كەزٸمدە مٷمكٸندٸك جوق ەدٸ, ەندٸ ۋاقىت كەلدٸ, وسىنداي شەشٸم قابىلدادىم. الدىمەن اقتاۋدان باكۋگە بارامىن. وندا قازاقستاننىڭ باس كونسۋلدىعىنىڭ ٶكٸلدەرٸ كٷتٸپ, مەنٸ گرۋزييامەن شەكاراعا دەيٸن ەرتٸپ بارادى. بۇل – مەن ٷشٸن ٷلكەن قولداۋ. سودان كەيٸن مەن باتۋميگە بارىپ, "ۇلى دالاعا جورىق" جوباسىنا قاتىسامىن. ماۋسىم ايىندا تٷركيياعا كەتەمٸن. ۆەنگرييا, اۆسترييا, گەرمانييا ارقىلى جٷرٸپ, فرانتسيياعا جەتۋدٸ جوسپارلاپ وتىرمىن", – دەدٸ بوراشەۆ.
