«وتباسى بانكٸ» اق ورتالىق فيليالىنىڭ ديرەكتورى جانسۇلتان ماتاەۆ زەينەتاقىنىڭ بٸر بٶلٸگٸنە ٶتٸنٸم بەرۋدەن باستاپ پايداعا جاراتۋعا دەيٸنگٸ الگوريتم جارييالادى, دەپ حابارلايدى قازاقپارات.
«بٷگٸنگٸ تاڭدا وتباسى بانكٸمەن قاتار, حالىق بانكٸ دە ٶكٸلەتتٸ ورگان رەتٸندە وسىمەن جۇمىس ٸستەيتٸنٸن (زەينەتاقىنىڭ بٸر بٶلٸگٸن الۋ ٸسٸمەن) جارييالاپ وتىر. ولار دا ارنايى ەسەپشوتتاردى اشىپ جاتىر», - دەدٸ جانسۇلتان ماتاەۆ ورتالىق كوممۋنيكاتسييالار قىزمەتٸنٸڭ الاڭىندا ٶتكەن باسپاسٶز مەسليحاتىندا.
بانك ٶكٸلٸ ٶز سٶزٸندە ٶتٸنٸمدٸ بەرٸلگەننەن كەيٸنگٸ جۇمىس الگوريتمٸ قالاي بولاتىنىن تٷسٸندٸردٸ.
«وسى باعدارلاماعا قاتىسقىسى كەلەتٸن ازاماتتار بٸرىڭعاي زەينەتاقى جيناعى قورىنداعى ٶزٸنٸڭ جيناعىن ەسەپتەۋٸ كەرەك. ودان كەيٸن «وتباسى بانكٸندە» نەمەسە ٶز قالاۋى بويىنشا ەكٸنشٸ دەڭگەيلٸ بانكتەردەن ارنايى شوت اشۋى كەرەك. ٷشٸنشٸ قادام: ەرتەڭ, ياعني 23 قاڭتاردان ساعات تاڭەرتەڭگٸ 09.00-دە «وتباسى بانكتە» پورتالى اشىلادى. سول پورتالعا ازاماتتار ٶزٸنٸڭ ەلەكتروندى قولتاڭباسى ارقىلى كٸرەدٸ. ول پورتالعا ازاماتتار جەتكٸلٸكتٸ دەڭگەيدەن ارتىق سومانى قاي ماقساتقا پايدالاناتىنىن كٶرسەتٸپ, ٶتٸنٸم بەرەدٸ. ال ٶتٸنٸم زەينەتاقى قورىنا جولدانادى. بەس كٷننٸڭ ٸشٸندە ول جاقتان جاۋاپ كەلٸپ, ماقۇلدانعاننان كەيٸن ازامات «وتباسى بانكتٸڭ» پورتالى ارقىلى راستايتىن قۇجاتتاردى تٸركەپ, ارنايى ەسەپشوتىنداعى اقشانى ٶزٸ كٶرسەتكەن رەكۆيزيتتەر بويىنشا ساتىپ الۋشىعا, نە بولماسا يپوتەكانى ٶتەۋگە جولدايدى», - دەدٸ ول.
