قر بەسەكەلەستٸكتٸ قورعاۋ جەنە دامىتۋ اگەنتتٸگٸ بٸرجولعى زەينەتاقى تٶلەمٸن تۇرعىن ٷي جاعدايىن جاسقارتۋ ٷشٸن پايدالانۋ تەرتٸبٸنەن ەكٸمشٸلٸك كەدەرگٸلەر تاپقان, دەپ حابارلايدى "ۇلت اقپارات".
اگەنتتٸكتٸڭ بەرگەن مەلٸمەتٸ بويىنشا, قولدانىستاعى تەرتٸپ بٸرجولعى زەينەتاقى تٶلەمدەرٸن «بەيتەرەك» ۇلتتىق باسقارۋشى حولدينگٸنٸڭ بٸرىڭعاي وپەراتورىنىڭ كەپٸلدٸگٸ بار كومپانييالاردىڭ عانا ٷلەستٸك قۇرىلىسىنا سالۋعا رۇقسات ەتەدٸ. ال ەكٸنشٸ دەڭگەيدەگٸ بانك قارجىلاندىراتىن جوباعا زەينەتاقى جارنالارىن پايدالانۋ مٷمكٸن ەمەس.
«تۇرعىن ٷي قۇرىلىسىن «تۇرعىن ٷي قۇرىلىسىنا ٷلەستٸك قاتىسۋ تۋرالى» قر زاڭىندا كٶزدەلگەن ۇسىنىلاتىن ٷش تەسٸلدٸڭ بٸرٸ بويىنشا جٷرگٸزۋگە بولادى: 1) بٸرىڭعاي وپەراتوردىڭ كەپٸلدٸگٸن الۋ; 2) ەكٸنشٸ دەڭگەيدەگٸ بانكتٸڭ جوباسىنا قاتىسۋ; 3) كٶپپەتەرلٸ تۇرعىن ٷيدٸڭ قاڭقاسى تۇرعىزىلعاننان كەيٸن ٷلەسكەرلەردٸڭ اقشاسىن تارتۋ», - دەپ تٷسٸندٸرەدٸ اگەنتتٸك ماماندارى.
بەسەكەلەستٸكتٸ قورعاۋ جەنە دامىتۋ اگەنتتٸگٸ بۇل كەدەرگٸنٸ جويۋ ٷشٸن يندۋسترييا جەنە ينفراقۇرىلىمدىق دامۋ مينيسترلٸگٸنە ناقتى ۇسىنىس بەرٸپ وتىر.
«قازاقستان رەسپۋبليكاسىنىڭ زاڭناماسى بويىنشا تۇرعىن ٷي جاعدايلارىن جاقسارتۋ ٷشٸن بٸرجولعى زەينەتاقى تٶلەمدەرٸن پايدالانۋ قاعيدالارىنىڭ بەسٸنشٸ جەنە 14-تارماعى ارقىلى ەكٸنشٸ دەڭگەيدەگٸ بانكتەرگە بٸرجولعى زەينەتاقى تٶلەمدەرٸن پايدالانا وتىرىپ, تۇرعىن ٷيدٸڭ ٷلەستٸك قۇرىلىسى باعدارلاماسىنا قاتىسۋعا مٷمكٸندٸك بەرەتٸن تٷزەتۋ ەنگٸزۋ قاجەت», - دەلٸنگەن اگەنتتٸكتٸڭ اقپاراتىندا.
بۇل پروبلەما 26 ناۋرىزدا قوستاناي وبلىسىندا ٶتكەن تالقىلاۋدا كٶتەرٸلگەن ەكەن. قازٸر اگەنتتٸك ۇسىنعان تٷزەتۋدٸ يندۋسترييا جەنە ينفراقۇرىلىمدىق دامۋ مينيسترلٸگٸ پىسىقتاپ جاتىر. قۇزىرلى ورگاننىڭ تالابى بويىنشا انىقتالعان ەكٸمشٸلٸك كەدەرگٸ 2021 جىلدىڭ جەلتوقسانىنا دەيٸن جويىلۋى كەرەك.
