سۋرەت: Tengrinews.kz
زەينەتاقى جيناعىنىڭ شەكتٸ مٶلشەرٸنەن اساتىن اقشاعا جەر تەلٸمٸن ساتىپ الۋعا بولادى. بۇل تۋرالى "وتباسى بانك" اق باسقارما تٶراعاسى لەززات يبراگيموۆا مەلٸمدەدٸ, دەپ حابارلايدى Sputnik قازاقستان.
"بٸز بٷگٸن وسى وپتسييانى ٸسكە قوستىق. ەندٸ زەينەتاقى جيناعىنىڭ بٸر بٶلٸگٸنە جەر تەلٸمٸن ساتىپ الۋعا بولادى. پورتالدا ارنايى باتىرما ەنگٸزٸلدٸ", - دەدٸ يبراگيموۆا ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
ونىڭ ايتۋىنشا, بۇعان دەيٸن زەينەتاقى جيناعىنىڭ قارجىسىنا جەكەمەنشٸك ٷي سالۋعا رۇقسات بەرٸلگەن. الايدا سالىمشىلاردىڭ كٶبٸسٸ ٷي سالۋ ٷشٸن الدىمەن جەر تەلٸمٸن ساتىپ الۋ قاجەتتٸگٸن ايتقان.
"مٸنە, زەينەتاقى جيناعىن مەرزٸمٸنەن بۇرىن پايدالانۋ اياسىندا جەر تەلٸمٸن ساتىپ الۋ مٷمكٸندٸگٸ بەرٸلٸپ وتىر. جەردٸ ەكٸ ماقساتتا عانا الۋعا بولادى. جەكە تۇرعىن ٷي قۇرىلىسىنا نەمەسە جەكە قوسالقى شارۋاشىلىققا. ەكٸ جىلدىڭ ٸشٸندە ٷي سالىپ, بانككە تيٸستٸ قۇجاتتاردى جٸبەرۋ كەرەك", - دەپ تٷسٸندٸردٸ يبراگيموۆا.
بارلىق قۇجات enpf-otbasy.kz پورتالىنداعى جەكە كابينەت ارقىلى جٸبەرٸلەدٸ.
"ەكٸ-اق قۇجاتتى جٸبەرۋ كەرەك. بٸرەۋٸ – ٷيدٸ پايدالانۋعا بەرۋ اكتٸسٸ, ەكٸنشٸسٸ – جىلجىمايتىن مٷلٸككە تٸركەلگەن قۇقىق پەن ونىڭ تەحنيكالىق سيپاتتاماسى تۋرالى انىقتاما", - دەيدٸ يبراگيموۆا.
ال ەكٸ جىلدىڭ ٸشٸندە ٷي سالىنباسا, اقشانى قايتارۋعا تۋرا كەلەدٸ. الايدا قۇجات رەسٸمدەۋ جاعىنان قيىندىقتار تۋىنداعان جاعدايدا قوسىمشا ۋاقىت بەرٸلۋٸ مٷمكٸن.
