باستاپقى تۇرعىن ٷيدٸڭ باسىم بٶلٸگٸ زەينەتاقى جيناقتارىن الۋشىلار ٷشٸن قولجەتٸمسٸز. بۇل تۋرالى مەجٸلٸس دەپۋتاتتارىنىڭ رەسمي ساۋالىنا وراي قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى سەرٸك جۇمانعاريننٸڭ جاۋابىندا ايتىلعان, دەپ حابارلايدى "ۇلت اقپارات".
«ستاتيستيكا دەرەكتەرٸ بويىنشا 2019 جىلى قۇرىلىس جۇمىستارىنىڭ كٶلەمٸ 4,4 ترلن تەڭگەنٸ, ونىڭ ٸشٸندە تۇرعىن ٷي قۇرىلىسىنىڭ كٶلەمٸ 881 ملرد تەڭگەنٸ قۇرادى. سونىمەن بٸرگە, تۇرعىن ٷي قۇرىلىسىنا ٷلەستٸك قاتىسۋشىلارعا جوعارى تالاپتارعا بايلانىستى تۇرعىن ٷيدٸڭ نەگٸزگٸ كٶلەمٸ «تۇرعىن ٷي قۇرىلىسىنا ٷلەستٸك قاتىسۋ تۋرالى» زاڭنىڭ قولدانىستاعى تالاپتارىنان تىس ساتىلادى. ايتالىق, «تۇرعىن ٷي قۇرىلىسىنا كەپٸلدٸك بەرۋ قورى» اق-نىڭ دەرەكتەرٸ بويىنشا رەسپۋبليكا بويىنشا 20 قۇرىلىس سالۋشى عانا (نۇرسۇلتان - 6, الماتى - 8, شىمكەنت - 1, قاراعاندى - 1, اقتاۋ - 1, اتىراۋ - 2, اقتٶبە قالالارى - 1) 262 ملرد تەڭگە سوماسىنا نەمەسە جالپى كٶلەمنٸڭ 1/3-ٸنەن از نىسانداردىڭ شەكتٸ سانىن سالۋعا كەپٸلدٸگٸ بار», - دەدٸ ول.
ونىڭ اتاپ ٶتۋٸنشە, قۇرىلىس سالۋشىلاردىڭ دەرەكتەرٸ بويىنشا, اتالعان تۇرعىن ٷي كٶلەمٸ ٸس جٷزٸندە ٸسكە اسىرىلدى. تۇرعىن ٷيدٸڭ قالعان كٶلەمٸ بەلگٸلەنگەن قاعيدالاردان تىس - برونداۋ, ينۆەستيتسييالاۋ, رەزەرۆتەۋ جەنە ٶزگە دە شارتتار ارقىلى ساتىلادى.
«وسىنىڭ سالدارىنان, باستاپقى تۇرعىن ٷيدٸڭ ايتارلىقتاي بٶلٸگٸ زەينەتاقى جيناقتارىن الۋشىلار ٷشٸن قولجەتٸمسٸز. سەبەبٸ ولاردى ماقساتتى پايدالانۋ زاڭناماعا سەيكەس جاسالعان تۇرعىن ٷي قۇرىلىسىنا ٷلەستٸك قاتىسۋ شارتتارىمەن عانا راستالادى. وسىنى ەسكەرە وتىرىپ, تۇرعىن ٷي قۇرىلىسى نارىعىندا بەسەكەلەستٸكتٸ دامىتۋ ٷشٸن ۇلتتىق جوبا اياسىندا تاۋار نارىعىنا كٸرۋدٸڭ نەگٸزگٸ كەدەرگٸسٸ رەتٸندە تۇرعىن ٷي قۇرىلىسىنا ٷلەستٸك قاتىسۋىشىلارعا قويىلاتىن تالاپتاردى ازايتۋ مەسەلەسٸ پىسىقتالىپ جاتىر», - دەدٸ سەرٸك جۇمانعارين.
