قر يندۋسترييا جەنە ينفراقۇرىلىمدىق دامۋ مينيسترلٸگٸ زەينەتاقى تٶلەمدەرٸن تۇرعىن ٷي جاعدايلارىن جاقسارتۋ ٷشٸن پايدالانۋ ەرەجەلەرٸن جارييالادى, دەپ حابارلايدى "ۇلت اقپارات".
21 قاڭتار كٷنٸ بەكٸتٸلگەن قۇجاتتىڭ تولىق مەتٸنٸ zan.gov.kz سايتىندا ورنالاستىرىلدى.
تۇرعىن ٷي جاعدايىن جاقسارتقىسى كەلەتٸندەر بٸرجولعى زەينەتاقى تٶلەمٸن كەلەسٸ ماقساتتارعا پايدالانا الادى:
- - تۇرعىن ٷيدٸ ساتىپ الۋ-ساتۋ, جەكەشەلەندٸرۋ, بٶلٸپ تٶلەۋ, ايىرباستاۋ (ايىرباس جاساۋ) شارتتارى بويىنشا, تۇرعىن ٷي قۇرىلىسىنا ٷلەستٸك قاتىسۋ تۋرالى زاڭناماعا سەيكەس تۇرعىن ٷي قۇرىلىسىنا ٷلەستٸك قاتىسۋ تۋرالى شارتتار بويىنشا;
- - جەكە تۇرعىن ٷي سالۋ ٷشٸن (نىسانالى ماقساتى بار جەر ۋچاسكەسٸن ساتىپ الۋدى قوسا العاندا – جەكە تۇرعىن ٷي قۇرىلىسى نەمەسە جەكە قوسالقى شارۋاشىلىق) تولىق ەسەپ ايىرىسۋ;
- - يپوتەكالىق تۇرعىن ٷي قارىزىن الۋ ٷشٸن باستاپقى جارنا ەنگٸزۋ;
- - تۇرعىن ٷي قارىزدارىن ٸشٸنارا نەمەسە تولىق ٶتەۋ, يپوتەكالىق تۇرعىن ٷي قارىزىن قايتا قارجىلاندىرۋ;
- - يپوتەكالىق تۇرعىن ٷي قارىزىن ٸشٸنارا نەمەسە تولىق ٶتەۋ, تۇرعىن ٷي قۇرىلىس جيناقتارى جٷيەسٸ بويىنشا جەكە تۇرعىن ٷي سالۋ (نىسانالى ماقساتى بار جەر ۋچاسكەسٸن ساتىپ الۋدى قوسا العاندا – جەكە تۇرعىن ٷي قۇرىلىسى نەمەسە جەكە قوسالقى شارۋاشىلىق), تۇرعىن ٷي قارىزىن الۋ;
- - يسلام بانكٸنٸڭ قارجىلاندىرۋى شەڭبەرٸندە تۇرعىن ٷيدٸ ساتىپ الۋ, يسلام بانكٸنٸڭ تۇرعىن ٷي ساتىپ الۋ جٶنٸندەگٸ مەمٸلەنٸ قارجىلاندىرۋى شەڭبەرٸندە بەرەشەكتٸ ٸشٸنارا, تولىق ٶتەۋ;
- - تۇرعىن ٷي قۇرىلىسى باعدارلامالارى مەن داعدارىسقا قارسى باعدارلامالار شەڭبەرٸندە بەرٸلگەن ساتىپ الۋ قۇقىعىمەن تۇرعىن ٷيدٸ ۇزاق مەرزٸمدٸ جالداۋ شارتتارى بويىنشا بەرەشەكتٸ ٸشٸنارا نەمەسە تولىق ٶتەۋ.
ايتا كەتەيٸك, قر ازاماتتارى بٸرجولعى زەينەتاقى تٶلەمدەرٸن اتالعان ماقساتتارعا شەكتەۋسٸز پايدالانا الادى.
سونداي-اق بٸرجولعى زەينەتاقى تٶلەمٸن الۋشىنىڭ جۇبايى (زايىبى) جەنە (نەمەسە) جاقىن تۋىستارى اتىنان ٶتٸنٸش بەرۋشٸگە (-لەرگە) تيەسٸلٸ بٸرجولعى زەينەتاقى تٶلەمدەرٸن اتالعان ماقساتتارعا پايدالانۋعا رۇقسات بەرٸلگەن. ول ٷشٸن تاراپتار جەكە كابينەتتە بٸرجولعى زەينەتاقى تٶلەمدەرٸن بەرۋ تۋرالى كەلٸسٸم جاساسادى. كەلٸسٸم ولاردىڭ ەتسق نەمەسە نەكەنٸ (ەرلٸ-زايىپتىلىقتى) نەمەسە تۋىستىق قاتىناستاردى راستايتىن قۇجاتتاردى قوسا بەرە وتىرىپ, ۋەكٸلەتتٸ وپەراتوردىڭ ٸشكٸ قۇجاتىندا بەلگٸلەنگەن ٶزگە دە ەلەكتروندىق تەسٸلمەن كۋەلاندىرىلادى.
مەلٸم بولعانداي, جەكە مەنشٸكتە تۇرعىن ٷيدٸڭ بولۋى بٸرجولعى زەينەتاقى
تٶلەمٸن پايدالانۋعا رۇقسات بەرۋدەن باس تارتۋ ٷشٸن نەگٸز بولا المايدى.
الايدا, زەينەتاقى شوتىنداعى قاراجات قولما-قول اقشا رەتٸندە بەرٸلمەيدٸ.
ەسكەرتٸلٸپ ٶتكەندەي, جىلجىمايتىن مٷلٸكتٸ ٶزٸنٸڭ جۇبايىنان (زايىبىنان), جاقىن تۋىستارىنان ساتىپ الۋعا بولمايدى.
بۇدان بٶلەك, قازاقستان رەسپۋبليكاسىنىڭ زاڭناماسىندا كٶزدەلگەن تەرتٸپپەن سوت شەشٸمٸ بويىنشا جىلجىمايتىن مٷلٸكتٸ ٶتكٸزۋ جاعدايلارىن قوسپاعاندا, بٸرجولعى زەينەتاقى تٶلەمدەرٸن پايدالانا وتىرىپ 5 (بەس) جىل ٸشٸندە مەنشٸككە رەسٸمدەلگەن جىلجىمايتىن مٷلٸكتٸ ٶتكٸزۋگە جول بەرٸلمەيدٸ.
ەسكە سالساق, 2 قاڭتاردا قر پرەزيدەنتٸ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
قازاقستاندىقتار زەينەتاقى جيناقتارىن پايدالانا الۋ ٷشٸن «جەتكٸلٸكتٸلٸك شەگٸ» بەلگٸلەندٸ.
زەينەتاقى شوتىنداعى قاراجاتتى جەنە تۇرعىن ٷي جاعدايىن جاقسارتۋ ٷشٸن پايدالانۋعا بولاتىن سومانى بٸرنەشە جولمەن تەكسەرۋگە بولادى.
