بٸرىڭعاي جيناقتاۋشى زەينەتاقى قورىنىڭ قىزمەتكەرلەرٸ سۇراۋسىز قالعان 675 مىڭ زەينەتاقى شوتتارىنىڭ يەلەرٸمەن بايلانىس ورناتتى, دەپ حابارلايدى قازاقپارات تٸلشٸسٸ.
بۇل بٸر جىل جەنە ودان دا كٶپ جىلداردان بەرٸ جارنا تٷسپەگەن قاراۋسىز قالعان شوتتار.
«ولاردىڭ قاتارىندا ٶزٸن-ٶزٸ جۇمىسپەن قامتۋشىلار, جۇمىسسىزدار, سونداي-اق زەينەتاقى جارنالارىن ۋاقىتشا اۋدارماعاندار: ٷيدە بٸر جىلدان استام ۋاقىتتان بەرٸ دەكرەتتٸك دەمالىستا وتىرعاندار, تەجٸريبە جۇمىسىنداعىلار, تاعىلىمدامادان ٶتۋشٸلەر, ٷي شارۋاسىنداعى ەيەلدەر, مٷگەدەكتٸگٸ بار ادامدار, ەسكەري قىزمەتشٸلەر مەن سوتتالعانداردىڭ شوتتارى بار», – دەلٸنگەن بجزق تارتقان حابارلامادا.
قور ماماندارى تٷسٸندٸرۋ جۇمىستارى اياسىندا سالىمشىلارعا مٸندەتتٸ زەينەتاقى جارنالارىن اۋدارۋدىڭ ماڭىزدىلىعىن تٷسٸندٸردٸ. سونىڭ ارقاسىندا 128 مىڭ جەكە زەينەتاقى شوتىنا جالپى سوماسى 4 ملرد تەڭگەگە 523 202 جارنا كەلٸپ تٷستٸ. سونىمەن قاتار, قور سوڭعى جىلدارى شوتتارىنا زەينەتاقى جارناسىن اۋدارماي جٷرگەن سالىمشىلاردى ٸزدەستٸرۋ جۇمىستارىن ودان ەرٸ جالعاستىرىپ جاتىر.
