«2021 جىلدىڭ 10 جەلتوقسانىندا قر يندۋسترييا جەنە ينفراقۇرىلىمدىق دامۋ مينيسترٸنٸڭ «تۇرعىن ٷي جاعدايىن جاقسارتۋ ٷشٸن بٸرجولعى زەينەتاقى تٶلەمدەرٸن پايدالانۋ تۋرالى» بۇيرىعىنا سەيكەس ەرەجەگە ەنگٸزٸلگەن ٶزگەرٸستەر بەكٸتٸلدٸ. وسىعان قاراي ازاماتتاردى قىزىقتىرعان سۇراقتارعا تالداۋ جاساپ, جاۋاپتار دايىندالدى. بٷگٸن بٸز سول ساۋالداردىڭ بٸرٸنە جاۋاپ بەرەمٸز», - دەلٸنگەن حابارلامادا.

زەينەتاقى جيناقتارىنىڭ بٸر بٶلٸگٸن «وتباسى بانكٸنٸڭ» دەپوزيتٸنە اۋدارۋ كەزٸندە قانداي شارتتار ساقتالۋى تيٸس?

مەملەكەت باسشىسىنىڭ 2021 جىلعى 1 قىركٷيەكتەگٸ جولداۋىندا بەرٸلگەن تاپسىرمالارعا سەيكەس زەينەتاقى جيناقتارىنىڭ ەڭ تٶمەنگٸ جەتكٸلٸكتٸلٸك شەگٸنەن اساتىن بٸر بٶلٸگٸن «وتباسى بانكٸنٸڭ» شوتتارىنا اۋدارۋ بويىنشا نورما كٶزدەلگەن.

ماقسات - تۇرعىن ٷي ساتىپ الۋ ٷشٸن قاراجات جيناقتاۋ.

1. الۋشى ٶز سالىمىن ٷش جىلدىڭ ٸشٸندە پايدالانۋى كەرەك.

2. الۋشى زەينەتاقى قاراجاتىن جيناقتاۋ مەرزٸمٸ بار, بۇرىن اشىلعان سالىمعا اۋدارۋعا قۇقىلى.

3. تۇرعىن ٷي قۇرىلىسى جيناق اقشاسى تۋرالى سالىمدى كەپٸل رەتٸندە بەرۋگە تىيىم سالىنادى.