«2021 jyldyń 10 jeltoqsanynda QR Indýstriia jáne infraqurylymdyq damý ministriniń «Turǵyn úi jaǵdaiyn jaqsartý úshin birjolǵy zeinetaqy tólemderin paidalaný týraly» buiryǵyna sáikes Erejege engizilgen ózgerister bekitildi. Osyǵan qarai azamattardy qyzyqtyrǵan suraqtarǵa taldaý jasap, jaýaptar daiyndaldy. Búgin biz sol saýaldardyń birine jaýap beremiz», - delingen habarlamada.

Zeinetaqy jinaqtarynyń bir bóligin «Otbasy bankiniń» depozitine aýdarý kezinde qandai sharttar saqtalýy tiis?

Memleket basshysynyń 2021 jylǵy 1 qyrkúiektegi Joldaýynda berilgen tapsyrmalarǵa sáikes zeinetaqy jinaqtarynyń eń tómengi jetkiliktilik sheginen asatyn bir bóligin «Otbasy bankiniń» shottaryna aýdarý boiynsha norma kózdelgen.

Maqsat - turǵyn úi satyp alý úshin qarajat jinaqtaý.

1. Alýshy óz salymyn úsh jyldyń ishinde paidalanýy kerek.

2. Alýshy zeinetaqy qarajatyn jinaqtaý merzimi bar, buryn ashylǵan salymǵa aýdarýǵa quqyly.

3. Turǵyn úi qurylysy jinaq aqshasy týraly salymdy kepil retinde berýge tyiym salynady.