قر قارجى نارىعىن رەتتەۋ جەنە دامىتۋ اگەنتتٸگٸ ساقتاندىرۋ نارىعى جەنە اكتۋارلىق ەسەپ ايىرىسۋلار دەپارتامەنتٸ ساقتاندىرۋ نارىعىن دامىتۋ باسقارماسىنىڭ باسشىسى ساعي ەجٸبەك زەينەتاقى اننۋيتەتٸنە قاتىستى زاڭناماعا قانداي ٶزگەرٸس ەنگٸزٸلگەنٸن ايتىپ بەردٸ, دەپ حابارلايدى قازاقپارات.
«وسى جىلدىڭ 2 قاڭتارىندا مەملەكەت باسشىسى قول قويعان «ەكونوميكالىق ٶسٸمدٸ قالپىنا كەلتٸرۋ تۋرالى» زاڭ ارقىلى زەينەتاقى اننۋيتەتٸ سيياقتى ساقتاندىرۋ ٶنٸمٸمەن قامتاماسىز ەتۋ ەرەجەلەرٸنە ماڭىزدى تٷزەتۋلەر ەنگٸزٸلدٸ. بۇل تٷزەتۋلەر زەينەتاقى اننۋيتەتٸنٸڭ ازاماتتارعا قولجەتٸمدٸگٸن ەرٸ تارتىمدىلىعىن ارتتىرۋعا ەسەر ەتتٸ», - دەدٸ س. ەجٸبەك ورتالىق كوممۋنيكاتسييالار قىزمەتٸندە ٶتكەن بريفينگتە.
نەگٸزگٸ ٶزگەرتۋلەر بويىنشا, بۇرىن زەينەتاقى اننۋيتەتٸ بويىنشا ەڭ تٶمەنگٸ تٶلەم مٶلشەرٸ مينيمالدى زەينەتاقىدان تٶمەن بولماۋى كەرەك ەدٸ. ال قازٸر تٶلەم مٶلشەرٸ ەڭ تٶمەنگٸ كٷنكٶرٸس دەڭگەيٸنٸڭ 70% پايىزىنان كەم بولماۋى كەرەك. بۇل شارا ارقىلى اننۋيتەتتٸڭ قۇنىن شامامەن 40% پايىزعا تٶمەندەگەن.
ەكٸنشٸدەن تٶلەمدەرٸ كەيٸنگە قالدىرىلعان زەينەتاقى اننۋيتەتٸ ەنگٸزٸلدٸ. بۇل ساقتاندىرۋ ٶنٸمٸ بويىنشا ازاماتتار 45 جاستان باستاپ زەينەتاقى اننۋيتەتٸ شارتىن جاساي الادى, ال تٶلەمدەردٸ ەر ادامدار 55 جاستان باستاپ, ەيەلدەر – 52 جاستان باستاپ الا باستايدى.
«بيىلدان باستاپ زەينەتاقى اننۋيتەتٸنٸڭ قۇنى ايتارلىقتاي تٶمەندەدٸ. 2020 جىلى 55 جاسقا تولعان ەر ادامدار ٷشٸن زەينەتاقى اننۋيتەتٸ شارتىن جاساۋ ٷشٸن جەتكٸلٸكتٸ سوما شامامەن 11 ميلليون تەڭگە بولسا, بيىلدان باستاپ بۇل كٶرسەتكٸش 6,7 ميلليون تەڭگەگە دەيٸن تٶمەندەگەن. ال 52 جاستاعى ەيەلدەر ٷشٸن جەتكٸلٸكتٸ سوما شامامەن 15 ملن تەڭگەدەن 9,0 ملن تەڭگەگە تٶمەندەگەن. تٶلەمدەرٸ 55 جاستان باستالاتىن كەيٸنگە قالدىرىلعان زەينەتاقى اننۋيتەتٸن 45 جاستان الۋ ٷشٸن ەر ادامدا كەمٸندە – 6,1 ميلليون تەڭگە, ال ەيەلدە – 7,7 ميلليون تەڭگە بولۋى كەرەك. وسىلايشا, زەينەتاقى اننۋيتەتٸ زەينەتاقى قورىنىڭ سالىمشىسىنا جاس جەنە ەڭبەككە قابٸلەتتٸ كەزٸندە زەينەتاقى تٶلەمدەرٸنٸڭ بالامالى كٶزٸن قۇرۋعا جەنە زەينەتكە شىققاندا ٶزٸن تۇراقتى تٶلەمدەرمەن قامتاماسىز ەتۋگە مٷمكٸندٸك بەرەدٸ», - دەيدٸ سپيكەر.
ايتا كەتەيٸك, ٶمٸردٸ ساقتاندىرۋ كومپانيياسى زەينەتاقى اننۋيتەتٸ تٶلەمدەرٸن ساقتانۋشىعا ٶمٸر بويى اي سايىن تٶلەيدٸ جەنە جىل سايىن تٶلەمدەردٸ 5% پايىزدان كەم ەمەس كٶرسەتكٸشكە كٶتەرٸپ وتىرادى. سونىمەن بٸرگە, زەينەتاقى اننۋيتەتٸ شارتىندا كەپٸلدەندٸرٸلگەن تٶلەم مەرزٸمٸن ورناتۋعا بولادى, بۇل وپتسييا ساقتانۋشى قايتىس بولعان جاعدايدا زەينەتاقى اننۋيتەتٸ تٶلەمدەرٸن مۇراگەرلەرگە بەرۋ مٷمكٸندٸگٸن قامتاماسىز ەتەدٸ.
