قر قارجى نارىعىن رەتتەۋ جەنە دامىتۋ اگەنتتٸگٸ ساقتاندىرۋ نارىعى جەنە اكتۋارلىق ەسەپ ايىرىسۋلار دەپارتامەنتٸ ساقتاندىرۋ نارىعىن دامىتۋ باسقارماسىنىڭ باسشىسى ساعي ەجٸبەك زەينەتاقى اننۋيتەتٸ شارتىنىڭ قانداي ارتىقشىلىقتار بەرەتٸنٸن تٷسٸندٸردٸ, دەپ حابارلايدى قازاقپارات.
«ەكونوميكالىق ٶسٸمدٸ قالپىنا كەلتٸرۋ مەسەلەلەرٸ جٶنٸندەگٸ زاڭ اياسىنداعى ٶزگەرٸستەرگە سەيكەس, بجزق سالىمشىلارى زەينەتاقى اننۋيتەتٸ شارتى بولعان جاعدايدا تۇرعىن ٷي جاعدايىن جاقسارتۋ جەنە (نەمەسە) ەم اقىسىن تٶلەۋ نەمەسە زەينەتاقى اكتيۆتەرٸن ينۆەستيتسييالىق پورتفەل باسقارۋشىسىنا سەنٸمگەرلٸك باسقارۋعا بەرۋ ٷشٸن بجزق-عا مٸندەتتٸ زەينەتاقى جارنالارى جەنە (نەمەسە) مٸندەتتٸ كەسٸپتٸك زەينەتاقى جارنالارى ەسەبٸنەن ٶز زەينەتاقى جيناقتارىن قر زاڭناماسىنا سەيكەس جۇمساي الادى. زەينەتاقى اننۋيتەتٸ ٶنٸمدەرٸنٸڭ جەلٸسٸن كەڭەيتۋ ماقساتىندا بيىل زەينەتاقى اننۋيتەتٸ شارتىنا بٸر ادامنىڭ ەمەس, ەرلٸ-زايىپتىلاردىڭ (جاقىن تۋىستاردىڭ) قاتىسۋىنا مٷمكٸندٸك بەرەتٸن بٸرلەسكەن اننۋيتەتتەر ەنگٸزۋ جوسپارلانۋدا», - دەدٸ ساعي ەجٸبەك وكق بريفينگٸندە.
بٸرلەسكەن اننۋيتەت ەرلٸ-زايىپتىلاردىڭ (جاقىن تۋىستاردىڭ) زەينەتاقى جيناقتارىن بٸرٸكتٸرۋگە جەنە اننۋيتەت شارتى بويىنشا كٸرٸستەردٸ قايتا بٶلۋگە مٷمكٸندٸك بەرەدٸ. مىسالى, بٸر ادامدا ٶسك (ٶمٸردٸ ساقتاندىرۋ كومپانيياسى) اننۋيتەتتٸ ساتىپ الۋ ٷشٸن زەينەتاقى جيناقتارى جەتكٸلٸكسٸز بولسا, ال ونىڭ جۇبايىندا ارتىعىمەن بولسا, بٸرلەسكەن زەينەتاقى اننۋيتەتٸ ارقىلى ەكەۋٸنە دە ٶمٸر بويى تٶلەمدەر قامتاماسىز ەتٸلەدٸ.
سونىمەن بٸرگە, س. ەجٸبەك زەينەتاقى اننۋيتەتٸ مەن زەينەتاقى تٶلەمدەرٸنٸڭ نەگٸزگٸ ايىرماشىلىقتارىن تٷسٸندٸردٸ.
«قولدانىستاعى زاڭناماعا سەيكەس, ازاماتتار زەينەتاقى جاسىنا جەتكەندە زەينەتاقى تٶلەمدەرٸن بٸرىڭعاي جيناقتاۋشى زەينەتاقى قورىنان الۋعا قۇقىلى نەمەسە زەينەتاقى جيناقتارى جەتكٸلٸكتٸ بولعان جاعدايدا, ٶمٸردٸ ساقتاندىرۋ كومپانيياسىنان زەينەتاقى اننۋيتەتٸن ساتىپ الۋ ارقىلى تٶلەمدەر الا الادى. بٸرىڭعاي جيناقتاۋشى زەينەتاقى قورىنان تٶلەمدەر زەينەتاقى جيناقتارى بٸتكەنشە جٷزەگە اسىرىلادى, ال ٶمٸردٸ ساقتاندىرۋ كومپانيياسىنان تٶلەمدەر الدىن-الا ناقتى بەلگٸلەنگەن مٶلشەرمەن ٶمٸر بويى جٷزەگە اسىرىلادى. سونىمەن بٸرگە, زەينەتاقى اننۋيتەتٸ بويىنشا تٶلەمدەر ەر ادامدار 55 جاسقا, ەيەلدەر – 52 جاسقا تولعاندا تٶلەنەدٸ», - دەيدٸ س. ەجٸبەك.
ونىڭ ايتۋىنشا, ٶمٸردٸ ساقتاندىرۋ كومپانيياسى زەينەتاقى اننۋيتەتٸ تٶلەمدەرٸن ساقتانۋشىعا ٶمٸر بويى اي سايىن تٶلەيدٸ جەنە جىل سايىن تٶلەمدەردٸ 5% پايىزدان كەم ەمەس كٶرسەتكٸشكە كٶتەرٸپ وتىرادى. سونىمەن بٸرگە, زەينەتاقى اننۋيتەتٸ شارتىندا كەپٸلدەندٸرٸلگەن تٶلەم مەرزٸمٸن ورناتۋعا بولادى, بۇل وپتسييا ساقتانۋشى قايتىس بولعان جاعدايدا زەينەتاقى اننۋيتەتٸ تٶلەمدەرٸن مۇراگەرلەرگە بەرۋ مٷمكٸندٸگٸن قامتاماسىز ەتەدٸ.
