قر ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆا زەينەت جاسىن تٶمەندەتۋ تۋرالى سۇراقتارعا جاۋاپ بەردٸ, دەپ حابارلايدى قازاقپارات.
«جالپى زەينەتاقى جٷيەسٸ تۋرالى ايتىلعان كەزدە سٸزدەر بٸر نەرسەنٸ بٸلگەنٸڭٸز جٶن. بٸز 1998 جىلى زەينەتاقى جٷيەسٸن رەفورمالادىق. سول رەفورماعا سەيكەس, 1998 جىلدىڭ 1 قاڭتارىنا دەيٸن ەڭبەك ٶتٸلٸ بار ازاماتتار عانا مەملەكەتتەن ەڭبەك زەينەتاقىسىن الادى, سودان كەيٸن وعان قوسىمشا بازالىق زەينەتاقىنى الادى. ال ەگەر بٸز زەينەت جاسىن تٶمەندەتەتٸن بولساق, ونسىز دا ەڭبەك ٶتٸلٸ تٶمەندەپ كەلە جاتىر, زەينەتاقى دا ٶتە تٶمەن بولادى», - دەدٸ تامارا دٷيسەنوۆا سەناتتا تٸلشٸلەرگە بەرگەن سۇحباتىندا.
مينيستر ازاماتتاردىڭ زەينەتكە ەرتە شىعۋ مٷمكٸندٸگٸ دە بار ەكەنٸن ەسكە سالدى.
«سوندىقتان ازاماتتار 1998 جىلدان كەيٸن جيناقتاۋشى زەينەتاقىعا ٶز ۋاقىتىندا قوسىلىپ وتىرسا, جارناسى دۇرىس بولسا, 63 ەمەس, تٸپتٸ 50 جاسىندا زەينەتكە شىعىپ كەتۋگە مٷمكٸندٸگٸ بار دەپ زاڭدا جازىلىپ قويعان. سوندىقتان دا ازاماتتاردىڭ ەڭ نەگٸزگٸ جۇمىسى – زەينەتاقى جٷيەسٸنە ۋاقىتىندا قوسىلىپ, ۋاقىتىندا جارناسىن تٶلەپ وتىرسا, زەينەتكە ەرتە شىعۋعا تولىق مٷمكٸندٸگٸ بار. بۇل ەيەلدەر عانا ەمەس, ەر ادامدارعا دا قاتىستى», - دەدٸ ەڭبەك مينيسترٸ.
