فوتو:bbc.com
جەكسەنبٸ, 12 قاڭتار كٷنٸ ۋكراينا پرەزيدەنتٸ ۆلاديمير زەلەنسكيي كيەۆ قولىنا تٷسكەن سولتٷستٸك كورەيا ساربازدارىن رەسەي تۇتقىنىنداعى ۋكرايندارعا الماستىرۋعا دايىن ەكەنٸن ايتتى دەپ حابارلايدى Ult.kz ازاتتىق راديوسىنا سٸلتەمە جاساپ.
زەلەنسكيي سولتٷستٸك كورەيا ساربازدارى ۋكراينا قولىنا العاش رەت تٷسكەنٸن, بٸراق بۇدان ەرٸ مۇنداي تۇتقىندار سانى ۇلعايا بەرەتٸنٸن مەلٸمدەدٸ.
سولتٷستٸك كورەيانىڭ ەكٸ ساربازى ۇستالعانىن ۋكراينا باسشىسى سەنبٸ كٷنٸ ايتقان.
پحەنيان ەسكەرٸ ۋكرايناداعى سوعىسقا رەسەي جاعىندا جۇمىلدىرىلعانى بىلتىر كٷزدە مەلٸم بولعان. ۋكراينا مەن باتىس ەلدەرٸنٸڭ بارلاۋىنشا, سولتٷستٸك كورەيا 11 مىڭ ەسكەرٸن رەسەيدٸڭ كۋرسك وبلىسىنا جولداعان. رەسەي مۇنى راستاعان دا جوق, تەرٸستەگەن دە جوق.
زەلەنسكيي بۇعان دەيٸن رەسەي جەنە سولتٷستٸك كورەيا كٷشتەرٸ كٶپ ادامىنان ايىرىلىپ جاتىر دەپ مەلٸمدەگەن.
"كيم چەن ىن ٶز ساربازدارىن رەسەي تۇتقىنىنداعى جاۋىنگەرلەرٸمٸزگە الماستىرۋدى ۇيىمداستىرا السا, ۋكراينا ونىڭ ساربازدارىن بەرۋگە دايىن" دەدٸ زەلەنسكيي X پلاتفورماسىندا.
ول ەكٸ ساربازدىڭ تەرگەۋ سۇراقتارىنا جاۋاپ بەرگەن ۆيدەوسىن جارييالادى. بٸرٸنٸڭ قولى, بٸرٸنٸڭ جاعى تاڭىلعان. قولى تاڭىلعانى تٶسەكتە جاتىپ جاۋاپ بەرگەن.
اۋدارماشى ارقىلى سٶيلەسكەن ەكٸ ساربازدىڭ بٸرٸ ۋكرايناعا قارسى سوعىسىپ جاتقانىن بٸلمەگەنٸن ايتادى. ٶزٸنٸڭ ايتۋىنشا, شابۋىل كەزٸندە تىعىلىپ قالىپ, ەكٸ كٷننەن كەيٸن تابىلعان. بۇل سارباز سولتٷستٸك كورەياعا ورالۋ تۋرالى بۇيرىق تٷسسە ورىندايتىنىن, بٸراق مٷمكٸندٸك بولسا ۋكراينادا قالۋعا دايىن ەكەنٸن بٸلدٸرگەن.
بۇل ۆيدەونىڭ تەۋەلسٸز كٶزدەر ارقىلى راستاۋ مٷمكٸن بولمادى.
"بٸرٸ ۋكراينادا قالۋعا, بٸرٸ كورەياعا قايتۋعا نيەت بٸلدٸردٸ" دەدٸ زەلەنسكيي تەلەٷندەۋٸندە.
زەلەنسكيي ەلٸنە ورالعىسى كەلمەيتٸن سولتٷستٸككورەيالىق ساربازدارعا باسقا جولدار ۇسىنىلاتىنىن, "بۇل سوعىستىڭ شىندىعىن كورەي [تٸلٸندە] تاراتۋ ارقىلى بەيبٸتشٸلٸككە جول باستاۋعا نيەتتٸ ادامدارعا مٷمكٸندٸك بەرٸلۋٸ قاجەتٸن" مەلٸمدەدٸ. بٸراق مۇنىڭ ەگجەي-تەگجەيٸن باياندامادى.
.jpg)
