ۋكراينا پرەزيدەنتٸ ۆلاديمير زەلەنسكيي جۇما كٷنگٸ كەزەكتٸ ۆيدەومەلٸمدەمەسٸندە ناتو-نى "ەلسٸزدٸگٸ ٷشٸن" كٸنەلاپ, ۇيىم مٷشەلەرٸ اراسىندا بٸرلٸك جوعىن العا تارتتى. ناتو كيەۆتٸڭ ۋكراينا ەۋە كەڭٸستٸگٸن "ۇشپايتىن ايماق" جاساۋ (ياعني, ۋكراينا ەۋە كەڭٸستٸگٸنە كٸرگەن بارلىق رەسەيلٸك ۇشاقتار مەن زىمىرانداردى اتىپ تٷسٸرۋ) تۋرالى ۇسىنىسىنان باس تارتقان, دەپ حابارلايدى ازاتتىق.
ناتو ٶكٸلدەرٸ كيەۆتٸڭ ۇسىنىسىن ورىنداۋ ٸس جٷزٸندە رەسەيمەن سوعىسۋمەن پارا-پار دەپ مەلٸمدەگەن ەدٸ.
ال زەلەنسكيي بۇلايشا الاڭداۋعا نەگٸز جوق, سەبەبٸ رەسەي سولتٷستٸكاتلانتيكالىق وداقپەن قاقتىعىسقا بارا قويمايدى دەپ سانايدى.
"بٷگٸننەن باستاپ وپات بولعان ادامداردىڭ بارلىعى سٸزدەر ٷشٸن قازا تابادى... بٷگٸن ناتو باسشىلىعى ۋكراينا قالالارى مەن ەلدٸ مەكەندەرٸن بومبالاۋعا "جول بەرگەندەي" بولدى" دەدٸ زەلەنسكيي.
ول "ەلسٸز" ناتو-عا قاراعاندا ەۋرووداقتىڭ ەلدەقايدا اۋىزبٸرلٸك تانىتىپ, رەسەيگە قاتاڭ سانكتسييا سالعانىن, ۋكرايناعا قارۋ-جاراقپەن كٶمەكتەسكەنٸن اتاپ ٶتتٸ.
ناتو ەلدەرٸنٸڭ سىرتقى ٸستەر مينيسترلەرٸ 4 ناۋرىزدا ۋكراينانىڭ ەۋە كەڭٸستٸگٸن "ۇشپايتىن ايماق" جاساۋ تۋرالى ۇسىنىسىنان باس تارتقان. ولار ناتو رەسەيمەن سوعىسۋعا ۇمتىلمايتىنىن, ەگەر كيەۆ ۇسىنىسىن ورىنداسا سونداي قاۋٸپ تۋىندايتىنىن ايتقان.
رەسەي باسشىسى ۆلاديمير پۋتيننٸڭ سٶزٸنە قاراعاندا, ۋكراينانىڭ ناتو-عا قوسىلۋ ىقتيمالدىعى - ونىڭ ۋكرايناعا باسىپ كٸرۋٸنە نەگٸز بولعان سەبەپتەردٸڭ بٸرٸ. پۋتين بۇل رەسەيگە قاۋٸپتٸ دەگەن. ال ۋكراينا بيلٸگٸ كەيٸنگٸ كەزدە قاۋٸپسٸزدٸك تۋرالى كەپٸلدٸككە قول جەتكٸزسە, ناتو-عا قوسىلۋ جوسپارىنان باس تارتۋى مٷمكٸن ەكەنٸن دە ايتىپ كەلەدٸ.
جۇما كٷنٸ كٷندٸز زەلەنسكيي ۋكراينانى قولداۋ اكتسيياسى ٶتكەن ەۋروپانىڭ جەتٸ قالاسىنىڭ تۇرعىندارىنا ونلاين ارقىلى شىعىپ, سٶيلەدٸ. ول ەۋروپا ازاماتتارىن ۋكراينانى قولداۋعا ٷندەگەن. ول ەگەر ۋكراينا "جەڭٸلسە", كەلەسٸ كەزەك ەۋروپانىڭ ٶزگە ەلدەرٸنە كەلەتٸنٸن العا تارتقان.
