وسى اپتانىڭ ورتاسىندا رەسەي كٷشتەرٸنەن ازات ەتٸلگەن اۋدانداردى ارالاعان ۋكراينا پرەزيدەنتٸ ۆلاديمير زەلەنسكيي قالالار مەن ەلدٸمەكەندەردٸڭ قاتتى قيراعانىن ايتتى, دەپ حابارلايدى ازاتتىق.
ۇلىبريتانييا قورعانىس مينيسترلٸگٸ 15 قىركٷيەكتە جارييالاعان كەزەكتٸ حابارلاماسىندا رەسەي كٷشتەرٸنٸڭ سوققىسىنا قاراماستان, ۋكراين كٷشتەرٸنٸڭ حاركوۆ وبلىسىندا ازات ەتٸلگەن اۋدانداردا باقىلاۋىن كٷشەيتكەنٸن جازدى. 14 قىركٷيەكتە زەلەنسكيي ازات ەتٸلگەن ستراتەگييالىق يزيۋم قالاسىنا ساپارىندا ۋكرايناعا "جەڭٸس" ەپەرۋگە ۋەدە بەردٸ.
"كٶك-سارى تٷستٸ جالاۋىمىز ازات ەتٸلگەن يزيۋم قالاسىندا جەلبٸرەپ تۇر. ەربٸر ۋكراين قالاسى مەن اۋىلىندا سولاي بولادى. بٸز تەك بٸر باعىتتا عانا – جەڭٸسكە قاراي جىلجىپ كەلەمٸز " دەدٸ زەلەنسكيي ەلەۋمەتتٸك جەلٸدە جارييالاعان جازباسىندا.
سەرسەنبٸ كٷنٸ تٷندە جارييالاعان ۆيدەوسىندا زەلەنسكيي ۋكراين كٷشتەرٸ بەس كٷن ٸشٸندە 110 شاقىرىمعا العا جىلجىعانىن اتاپ ٶتتٸ.
14 قىركٷيەكتە كەشكە رەسەي كٷشتەرٸ ورتالىق ۋكرايناداعى ەڭ ٸرٸ قالا كريۆوي روگقا زىمىرانمەن سوققى جاساپ, سونىڭ سالدارىنان قالاداعى سۋ بٶگەتٸ قيراعان. ٶزەن دەڭگەيٸ بٸرنەشە مەترگە كٶتەرٸلٸپ, قالا تۇرعىندارىنا سەل قاۋپٸ تٶنگەن.
زەلەنسكيي 15 قىركٷيەكتە جارييالاعان ۆيدەوسىندا كاراچۋنوۆ بٶگەتٸنٸڭ قيراعانىن ايتتى. ونىڭ سٶزٸنشە, سۋ بٶگەنٸنٸڭ ەسكەرگە قاتىسى جوق جەنە قالانىڭ جٷزدەگەن مىڭ تۇرعىنى سول سۋ جٷيەسٸنە تەۋەلدٸ بولعان.
رەسەي قورعانىس مينيسترلٸگٸ شابۋىلعا تٷسٸنٸكتەمە بەرمەگەن. كٶپ دەلەلدەرگە مەسكەۋ ۋكرايناداعى ازاماتتىق نىساندارعا سوققى جاساعانىن مويىنداماي كەلەدٸ. كرەملشٸل بلوگەرلەر رەسەي كٷشتەرٸ سۋ بٶگەتٸنە سوققى جاساۋ ارقىلى ۋكراين ارميياسىنىڭ قوزعالىسىن قيىنداتقىسى كەلەدٸ دەپ جازدى. بۇل اقپاراتتى تەۋەلسٸز دەرەككٶزدەر راستاعان جوق.
ۆيدەو: ۋكراين كٷشتەرٸ ازات ەتٸلگەن اۋدانداردى مينالاردان تازارتىپ جاتىر (14 قىركٷيەك, 2022 جىل. "ناستوياششەە ۆرەميا" ۆيدەوسى).
