بالقاشتا كوتتەدجٸ مەن اۆتوكٶلٸگٸ بار زەينەتكەر ٶز قىزىنان سوت ارقىلى اليمەنت ٶندٸرٸپ الۋعا تىرىسقانىمەن, ونىڭ تالابى قاناعاتتاندىرىلمادى. سوت ەر ادامنىڭ زاڭ بويىنشا مۇقتاج ساناتقا جاتپايتىنىن جەنە ٶزٸن-ٶزٸ قامتاماسىز ەتۋگە جەتكٸلٸكتٸ قاراجاتى بار ەكەنٸن انىقتادى, دەپ حابارلايدى ult.kz.
جوعارعى سوتتىڭ باسپاسٶز قىزمەتٸنٸڭ مەلٸمەتٸنە سەيكەس, بالقاش تۇرعىنى قىزىنان اي سايىن 10 اەك (43 250 تەڭگە) كٶلەمٸندە اليمەنت ٶندٸرۋدٸ سۇراعان. ول ٶتٸنٸشٸندە كٷنكٶرٸس پەن دەرٸ-دەرمەك شىعىندارىنا بايلانىستى قوسىمشا كٶمەككە مۇقتاج ەكەنٸن كٶرسەتكەن.
«نەكە (ەرلٸ-زايىپتىلىق) جەنە وتباسى تۋرالى» كودەكسكە سەيكەس, كەمەلەتكە تولعان بالالار ەڭبەككە جارامسىز ەرٸ مۇقتاج اتا-انالارىن اسىراۋعا مٸندەتتٸ.
الايدا سوت بارىسىندا تالاپ قويۋشىنىڭ 128 229 تەڭگە زەينەتاقى الاتىنى, سونداي-اق ەكٸ قاباتتى ٷيٸ مەن Mitsubishi Montero Sport اۆتوكٶلٸگٸ بار ەكەنٸ انىقتالدى.
قىزى تالاپتى مويىنداماي, ەكٸ بالانى جالعىز تەربيەلەپ وتىرعانىن جەنە 85 مىڭ تەڭگە جالاقى الاتىنىن ايتقان. ونىڭ سٶزٸنشە, ەكەسٸ كوتتەدجدە جالعىز تۇرادى, تۇراقتى زەينەتاقىسى مەن مٷلكٸ بار, سوندىقتان قوسىمشا كٶمەككە مۇقتاج ەمەس.
سوت ەر ادامنىڭ ەمدەلۋگە تۇراقتى شىعىندارى نەمەسە ٶمٸرلٸك قاجەتتٸلٸكتەرٸن قامتاماسىز ەتە المايتىنى تۋرالى ناقتى دەلەل ۇسىنباعانىن اتاپ ٶتتٸ. سونىمەن قاتار, وعان ۇلى تاراپىنان دا ماتەريالدىق قولداۋ كٶرسەتٸلەتٸنٸ بەلگٸلٸ بولدى.
نەتيجەسٸندە سوت تالاپتى قاناعاتتاندىرۋدان باس تارتىپ, اليمەنت ٶندٸرۋگە نەگٸز جوق دەگەن شەشٸم شىعاردى. شەشٸم زاڭدى كٷشٸنە ەندٸ.
