دٷنيەجٷزٸ قازاقتارى قاۋىمداستىعى تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆ اقمولا وبلىسىنىڭ ارشالى اۋدانىندا ۇيىم باستاماسىمەن قولعا الىنعان «تۇرعىن ٷي جەنە جۇمىس» جوباسىنا قاتىسۋشىلارمەن كەزدەستٸ. بۇل تۋرالى اتالمىش قاۋىمداستىقتىڭ باسپاسٶز قىزمەتٸ حابارلادى.
«كەزدەسۋ بارىسىندا زاۋىتبەك تۇرىسبەكوۆ جينالعان قانداستارعا دٷنيەجٷزٸ قازاقتارى قاۋىمداستىعىنىڭ تٶراعاسى ەلباسى نۇرسۇلتان نازارباەۆتىڭ V قۇرىلتايدا بەرگەن تاپسىرمالارىن ٸسكە اسىرۋ بارىسى تۋرالى ەگجەي-تەگجەيلٸ حاباردار ەتتٸ. اتاپ ايتقاندا, ول ەلباسىنىڭ شەتەلدەگٸ قازاقتاردى تاريحي وتانىنا قايتارۋ, قازاقستاندىقتاردىڭ ەلەۋمەتتٸك قورعالماعان ساناتتارىنىڭ تۇرعىن ٷي پروبلەمالارىن شەشۋ جەنە جاڭا جۇمىس ورىندارىن قۇرۋ تۋرالى تاپسىرمالارى قالاي ٸسە اسىپ جاتقانىن باياندادى», - دەپ مەلٸم ەتتٸ باسپاسٶز قىزمەتٸندەگٸلەر.
دٷنيەجٷزٸ قازاقتارى قاۋىمداستىعى 3 جىلدىڭ ٸشٸندە اقمولا جەنە تٷركٸستان وبلىستارىندا باسپاناعا مۇقتاج جەرگٸلٸكتٸ تۇرعىندار مەن قانداستارعا ارناپ «اسار» ەدٸسٸمەن كوتتەدج قالاشىقتارىن سالۋعا كٸرٸسكەن بولاتىن.
«جوبانىڭ بٸرەگەيلٸگٸ جەر ساتىپ الۋعا جەنە ٷيلەر سالۋعا مەملەكەتتٸك سالىمدار تالاپ ەتٸلمەيتٸندٸگٸندە. ٶيتكەنٸ جەر ساتىپ الىنىپ قويىلعان, ٷيلەردٸ جەر يەلەرٸنٸڭ ٶزدەرٸ اسار ەدٸسٸ بويىنشا سالادى. بۇل جوعارى ساپالى تۇرعىن ٷيدٸڭ ٶزٸندٸك قۇنىن ايتارلىقتاي تٶمەندەتەدٸ. جىلىجايلار, مال بورداقىلاۋ ورتالىعى جەنە كٶتەرمە ساۋدا بازارىنىڭ قۇرىلىسى بويىنشا ۇسىنىستار اۋديتورييانىڭ جاعىمدى پٸكٸرٸنە يە بولدى. ٶيتكەنٸ مۇنىڭ بەرٸ اگروقالاشىق قۇرىلىسىنا قاتىسۋشىلار مەن ولاردىڭ وتباسىلارىن جۇمىسپەن قامتۋعا باعىتتالعان», - دەيدٸ قاۋىمداستىق ماماندارى.
قاۋىمداستىق تٶراعاسىنىڭ ورىنباسارى ەكٸ ٶڭٸردەگٸ ٸلكٸ جوبا سەتتٸ ٸسكە اسسا, كەزەكتە پاۆلودار, جامبىل, اقتٶبە, اتىراۋ, شىعىس قازاقستان, باتىس قازاقستان, قاراعاندى, قوستاناي, سولتٷستٸك قازاقستان وبلىستارى تۇرعانىن دا ايتتى.
بٷگٸندە پيلوتتىق جوبا ايماقتارىندا گەودەزييالىق زەرتتەۋلەر نەگٸزٸندە جەر تەلٸمدەرٸنٸڭ شەكارالارى انىقتالىپ, جولدار مەن باسقا دا ينجەنەرلٸك جەلٸ ٶتەتٸن تۇستار ناقتىلانعان. ال كوتتەدجدەر قۇرىلىسى 15 مامىردا باستالعان بولاتىن. جوسپار بويىنشا, الداعى كٷزدە اگروقالاشىقتاعى العاشقى ٷيلەر بوي كٶتەرٸپ ٷلگەرۋٸ تيٸس.
اقمولا وبلىسىنىڭ ارشالى اۋدانىندا 196 گەكتار جەر ساتىپ الىنعان. مۇندا 1282 كوتتەدج سالۋ كٶزدەلٸپ وتىر.
«جەردٸڭ يەلەرٸ نەگٸزٸنەن ٶزبەكستاننان كەلگەن جەنە ەلدٸڭ سولتٷستٸك ايماقتارىندا قالۋعا, تۇرۋعا جەنە جۇمىس ٸستەۋگە نيەت بٸلدٸرگەن قانداستار», - دەيدٸ جوبا اۆتورلارى.
