ٶزگەرٸس پەن جاڭعىرۋ ٷدەرٸسٸ ٷزدٸكسٸز جٷرٸپ جاتقان زاماندا دامۋ مەسەلەسٸ ەربٸر ادام ٷشٸن ماڭىزدى تاقىرىپقا اينالدى. ادام بالاسى دٷنيەگە بەلگٸلٸ بٸر قابٸلەتپەن كەلەتٸنٸ راس. الايدا سول تابيعي دارىنىن قانشالىقتى اشا الادى? قابٸلەتتٸ شىڭداۋ ٷشٸن قانداي قادام جاساۋ قاجەت? وسى ساۋالدارعا جاۋاپ ٸزدەۋ – ەسٸرەسە جاس بۋىن ٷشٸن اسا ٶزەكتٸ, دەپ حابارلايدى ult.kz.
بٷگٸندە كەيبٸر جاستار ماماندىق تاڭداۋدا ٶز جٷرەك قالاۋىنا ەمەس, ٶزگەنٸڭ پٸكٸرٸنە سٷيەنٸپ جاتادى. بٸرٸ اتا-اناسىنىڭ كەڭەسٸنە جٷگٸنسە, ەندٸ بٸرٸ «سۇرانىسقا يە ماماندىق» نەمەسە «تابىسى جوعارى سالا» دەگەن تٷسٸنٸكپەن شەشٸم قابىلدايدى. ەرينە, مۇنداي تاڭداۋدىڭ ٶزٸندٸك سەبەپتەرٸ بار. دەگەنمەن ەل بولاشاعى جاستاردىڭ قولىندا ەكەنٸن ەسكەرسەك, ولاردىڭ ٶز قابٸلەتٸن تانىپ, سانالى تٷردە تاڭداۋ جاساۋى اسا ماڭىزدى. سەبەبٸ قوعامنىڭ ەرتەڭٸ – بٷگٸنگٸ بٸلٸم الىپ جاتقان جاس ۇرپاق.
وسى تۇرعىدا ەل-فارابي اتىنداعى قازاق ۇلتتىق ۋنيۆەرسيتەتٸ ستۋدەنتتەرٸ جان-جاقتىلىعىمەن ەرەكشەلەنەدٸ. قاي فاكۋلتەتتٸ الساق تا, جاستار تەك بٸلٸمدە عانا ەمەس, ٶنەردە, سپورتتا, قوعامدىق جۇمىستاردا, ۇيىمداستىرۋشىلىق قابٸلەتتە دە بەلسەندٸلٸگٸن تانىتىپ كەلەدٸ. بۇل – ولاردىڭ وي-ٶرٸسٸنٸڭ كەڭدٸگٸن, زامان تالابىنا بەيٸم ەكەنٸن كٶرسەتەدٸ.
بٸز بٸلٸم الىپ جٷرگەن فيزيكا-تەحنيكالىق فاكۋلتەتٸندە دە وسىنداي قارقىن بايقالادى. قازٸرگٸ بەسەكەلەستٸك زامانىندا بٸر عانا ماماندىقپەن شەكتەلۋ جەتكٸلٸكسٸز ەكەنٸ انىق. سوندىقتان ستۋدەنتتەر نەگٸزگٸ كەسٸبي بٸلٸممەن قاتار, قوسىمشا داعدىلاردى مەڭگەرۋگە, شىعارماشىلىق جەنە عىلىمي ٸزدەنٸستەرگە ەرەكشە مەن بەرەدٸ. كٶپتەگەن جاستار قوعامدىق جوبالارعا قاتىسىپ, ەرٸكتٸلٸك قىزمەت اتقارىپ, كٶشباسشىلىق قابٸلەتتەرٸن دامىتىپ جٷر.
ۋنيۆەرسيتەت قابىرعاسىندا ٶتەتٸن عىلىمي كونفەرەنتسييالار مەن سەمينارلارعا ستۋدەنتتەردٸڭ بەلسەندٸ قاتىسۋى – سونىڭ ايعاعى. ولار تەك ٶز وقۋ ورنىندا عانا ەمەس, قالالىق جەنە رەسپۋبليكالىق دەڭگەيدەگٸ عىلىمي جيىنداردا بايانداما جاساپ, جٷلدەلٸ ورىندارعا يە بولىپ جٷر. بۇل – ٸزدەنٸس پەن تاباندىلىقتىڭ نەتيجەسٸ.
فاكۋلتەت ٸشٸندەگٸ عىلىمي ٷيٸرمەلەر دە ستۋدەنتتەردٸڭ بٸلٸمٸن تەرەڭدەتۋگە زور مٷمكٸندٸك بەرەدٸ. بوس ۋاقىتتارىندا جاستار عىلىمي جوبالار ەزٸرلەپ, دٶڭگەلەك ٷستەلدەر ۇيىمداستىرىپ, جاڭا يدەيالار مەن زاماناۋي جاڭالىقتاردى تالقىلايدى. وسىنداي بەلسەندٸلٸك ولاردىڭ كەسٸبي ەرٸ تۇلعالىق دامۋىنا سەرپٸن بەرٸپ وتىر.
شىنىندا دا, جاستار – ەلٸمٸزدٸڭ ەرتەڭٸ, تەۋەلسٸزدٸگٸمٸزدٸڭ تٸرەگٸ, بايتاق جەرٸمٸزدٸڭ قورعانى. بٷگٸنگٸ ٸزدەنٸس پەن بٸلٸم ەرتەڭ ەل ابىرويىن اسقاقتاتاتىن ٷلكەن جەتٸستٸككە اينالارى سٶزسٸز.
بٸزدٸڭ سەنٸمٸمٸز بەرٸك. جاس بۋىن ارمانىن جٷزەگە اسىرىپ, الاش ەلٸنٸڭ داڭقىن بيٸككە كٶتەرەدٸ. سەبەبٸ ولاردىڭ جٷرەگٸندە ماقسات, ساناسىندا بٸلٸم, بويىندا قايرات بار.
عىلىمي فيزيكا ماماندىعىنىڭ 4-كۋرس ستۋدەنتٸ:
تۋلەكوۆا ەركەجان
PhD دوكتور, تەورييالىق جەنە يادرولىق فيزيكا كافەدراسىنىڭ دوتسەنتٸ
تاۋكەنوۆا الييا سەمبەكوۆنا
