قازاقستاندىق زارينا ديياس ستراسبۋرگ WTA تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
ەلەمنٸڭ 72-راكەتكاسى ز.ديياس العاشقى اينالىمدا دٷنيەجٷزٸلٸك رەيتينگتە 79-ورىندا تۇرعان امەريكالىق كريستينا ماكحەيلمەن كٷش سىناستى.
زارينانىڭ باستاپقىدا قارسىلاسى چەحييالىق باربورا سترىتسوۆا بولىپ بەلگٸلەنگەنٸمەن, ول كەلمەي قالدى دا, ورنىنا امەريكالىق سپورتشى شىقتى.
ٷش سەتكە سوزىلعان ماتچ ٶتە تارتىستى ٶتتٸ.
بٸرٸنشٸ پارتييادا تاي-برەيكتە ك.ماكحەيل باسىمدىلىق كٶرسەتتٸ – 7:6 (7:4).
ەكٸنشٸ سەتتە زارينا ديياس ەسە قايىردى – 7:5.
ٷشٸنشٸ, شەشۋشٸ پارتييادا ەۋەلٸ قازاقستاندىق تەننيسشٸ برەيك جاساپ, العا شىققانىمەن, قارسىلاسى دا قاراپ قالمادى. دەگەنمەن ەسەپ 4:4 بولعاندا, زارينا برەيككە قول جەتكٸزدٸ. ەيتسە دە ماتچقا دوپ بەرگەندە, سول مٷمكٸندٸگٸن پايدالانا المادى. اقىرى كەزدەسۋ تاعدىرى تاي-برەيكتە شەشٸلٸپ, وندا قازاقستاندىق تەننيسشٸ جەڭٸستٸ جۇلىپ الدى – 7:6 (7:3).
بەسەكە 3 ساعات 11 مينۋتقا سوزىلدى.
زارينا ەكٸنشٸ اينالىمدا US Open تۋرنيرٸنٸڭ 2017 جىلعى چەمپيونى, ەلەمنٸڭ 33-ٸنشٸ, تۋرنيردٸڭ 8-راكەتكاسى, امەريكالىق سلوان ستيۆەنس نەمەسە رەيتينگتە 83-ساتىداعى جاپونييالىق ناو حيبينونىڭ بٸرەۋٸمەن سىنعا تٷسەدٸ.
