اقش-تىڭ مايامي قالاسىندا Amazon Prime Air كومپانيياسىنا ارنالعان جٷك ۇشاعى قونۋ كەزٸندە اپاتقا ۇشىراپ, سالدارىنان كەمٸندە بەس ادام قازا تاپتى. تاعى بەس ادام تٷرلٸ جاراقاتپەن اۋرۋحاناعا جەتكٸزٸلگەن. ٷشەۋٸنٸڭ جاعدايى اۋىر, دەپ حابارلايدى ult.kz.
وقيعا 6 قىركٷيەكتە مايامي حالىقارالىق ەۋەجايىندا بولعان. Prime Air-دٸڭ 7598 رەيسٸن 21 Air ەۋە كومپانيياسى باسقاراتىن Boeing 767-300 جٷك ۇشاعى ورىنداعان. ۇشاق پۋەرتو-ريكوداعى سان-حۋان قالاسىنان ماياميگە باعىت العان.
الدىن الا مەلٸمەت بويىنشا, ۇشاق قونۋ كەزٸندە ۇشۋ-قونۋ جولاعىنان شىعىپ كەتٸپ, ەۋەجاي ماڭىنداعى جولعا ٶتٸپ, بٸرنەشە كٶلٸكپەن سوقتىعىسقان. سوقتىعىستان كەيٸن ۇشاقتا ٶرت شىققان. قۇتقارۋشىلار وقيعا ورنىنا 60-تان استام ارنايى تەحنيكا مەن جٷزدەگەن ماماندى جۇمىلدىرعان.
ٶرت سٶندٸرۋ قىزمەتٸنٸڭ مەلٸمەتٸنشە, اپات ورنىندا جانارمايدىڭ اعۋى دا بايقالعان. كەيبٸر ادامدار كٶلٸكتەرٸنٸڭ ٸشٸندە قالىپ قويعان. قۇتقارۋشىلار ولاردى ارنايى تەحنيكانىڭ كٶمەگٸمەن ەۆاكۋاتسييالاعان. ۇشاقتىڭ پيلوتى مەن ەكٸنشٸ پيلوتى دا كابينادا قىسىلىپ قالعان.
اپاتتان كەيٸن مايامي حالىقارالىق ەۋەجايىنداعى ۇشۋ جۇمىستارى ۋاقىتشا توقتاتىلىپ, كٶپتەگەن رەيس كەشٸكتٸرٸلگەن نەمەسە كەيٸنگە شەگەرٸلگەن.
