مەجٸلٸستٸڭ بۇرىنعى دەپۋتاتى باقىتجان بازاربەك ٶز قاتىسۋىمەن بولعان جول-كٶلٸك وقيعاسىنا قاتىستى پٸكٸر بٸلدٸردٸ. ول قازٸر وقيعا بويىنشا سوتقا دەيٸنگٸ تەرگەپ-تەكسەرۋ جٷرٸپ جاتقانىن ايتتى, دەپ حابارلايدى ult.kz.
بازاربەكتٸڭ سٶزٸنشە, تەرگەۋ اياسىندا قاجەتتٸ ساراپتامالار جٷرگٸزٸلۋٸ كەرەك. ول ٶزٸ جەنە جۇبايى تەرگەپ-تەكسەرۋ دەرەكتەرٸن جارييا ەتپەۋ تۋرالى قولحات بەرگەنٸن اتاپ ٶتتٸ.
«مەنٸڭ قاتىسۋىممەن بولعان جول-كٶلٸك وقيعاسىنا قاتىستى كٶپتەگەن بولجامدار مەن تٷرلٸ ەڭگٸمەلەرگە جاۋاپ بەرە المايمىن. تەرگەۋ امالدارى جالعاسىپ جاتىر. تەرگەپ-تەكسەرۋ ورگاندارى زاڭ تالاپتارىنا سەيكەس بولعان وقيعانىڭ بارلىق مەن-جايىنا وبەكتيۆتٸ ەرٸ ەدٸل باعا بەرەدٸ دەپ سەنەمٸن», – دەدٸ ەكس-دەپۋتات.
باقىتجان بازاربەك ٷشٸن قازٸرگٸ تاڭدا ەڭ ماڭىزدىسى – جول اپاتىنان زارداپ شەككەن ازاماتتىڭ دەنساۋلىعى ەكەنٸن ايتتى.
«قازٸر مەن ٷشٸن ەڭ باستىسى – زارداپ شەككەن ازاماتتىڭ ٶزٸنە, جاقىندارى مەن تۋىستارىنا قولداۋ كٶرسەتٸپ, قاجەتتٸ كٶمەك بەرۋ. بٸز بٸرنەشە كٷن بويى ونىڭ تۋعان-تۋىستارىمەن بٸرگە ساۋىعىپ كەتۋٸن تٸلەپ وتىرمىز», – دەدٸ ول.
ەكس-دەپۋتات زارداپ شەككەن ازاماتقا شۇعىل مەديتسينالىق كٶمەك كٶرسەتكەن دەرٸگەرلەرگە العىسىن بٸلدٸردٸ. سونداي-اق ەلەۋمەتتٸك جەلٸلەردە تاراعان تٷرلٸ اقپاراتقا بايلانىستى جۇرتشىلىقتى اسىعىس قورىتىندى جاساماۋعا شاقىردى.
«بارشاڭىزدى اسىعىس قورىتىندى جاساماۋعا جەنە تەك رەسمي اقپارات پەن تەرگەۋ نەتيجەلەرٸنە سەنۋگە شاقىرامىن», – دەدٸ بازاربەك.
ەسكە سالايىق, جول-كٶلٸك وقيعاسى جامبىل وبلىسى تۇرار رىسقۇلوۆ اۋدانىنداعى «باتىس ەۋروپا – باتىس قىتاي» حالىقارالىق اۆتوجولىندا بولعان. الدىن الا مەلٸمەت بويىنشا, جولدا جەڭٸل اۆتوكٶلٸك سيىردى قاعىپ كەتكەن. كەيٸن بٸرنەشە ادام جانۋاردى جولدىڭ جٷرٸس بٶلٸگٸنەن الىپ تاستاۋعا تىرىسقان.
وسى كەزدە باقىتجان بازاربەك تٸزگٸندەگەن Toyota RAV4 اۆتوكٶلٸگٸ جولدا تۇرعان 36 جاستاعى ەر ادامدى قاعىپ كەتكەن.
جاياۋ جٷرگٸنشٸ اۋىر جاراقات الىپ, تۇرار رىسقۇلوۆ اۋداندىق ورتالىق اۋرۋحاناسىنىڭ جانساقتاۋ بٶلٸمٸنە جەتكٸزٸلگەن. دەرٸگەرلەر ونىڭ جاعدايىن ٶتە اۋىر دەپ باعالاعان.
قازٸر وقيعانىڭ بارلىق مەن-جايىن انىقتاۋ ٷشٸن سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
