فوتو: اشىق دەرەككٶز
قازاقستان رەسپۋبليكاسىنىڭ باس پروكۋراتۋراسى مەن ٸشكٸ ٸستەر مينيسترلٸگٸنٸڭ ينتەرپول قىزمەتكەرلەرٸ, سىرتقى ٸستەر مينيسترلٸگٸنٸڭ قولداۋىمەن تٷركييادان قازاقستان ازاماتىن ەلگە قايتاردى, دەپ حابارلايدى Ult.kz.
ول – قۇقىق قورعاۋ ورگانىنىڭ بۇرىنعى قىزمەتكەرٸ, ترانسۇلتتىق ۇيىمداسقان قىلمىستىق توپقا قاتىسقانى جەنە زاڭسىز ويىن بيزنەسٸن ۇيىمداستىرعانى ٷشٸن كٷدٸكتەلۋدە.
تەرگەۋ دەرەكتەرٸنە سەيكەس, كٷدٸكتٸ 2015–2016 جىلدارى شىعىس قازاقستان وبلىسىنداعى مەملەكەتتٸك ورگاندا باسشىلىق قىزمەت اتقارىپ جٷرگەندە ويىن بيزنەسٸنە قامقورلىق جاساپ, جٷيەلٸ تٷردە پارا العان. قىلمىس ەشكەرەلەنگەننەن كەيٸن ول جاسىرىنعان جەنە 7 جىل بويى حالىقارالىق ٸزدەۋدە بولدى.
2024 جىلدىڭ قاڭتارىندا كٷدٸكتٸ تٷركييانىڭ يزمير قالاسىندا ۇستالىپ, قازاقستاننىڭ سۇراۋى بويىنشا ەكستراديتسييالاندى. قازٸر ول تەرگەۋ يزولياتورىندا قاماۋدا وتىر.
بۇعان دەيٸن قىلمىستىق توپتىڭ باسقا مٷشەلەرٸ تٷرلٸ مەرزٸمگە باس بوستاندىعىنان ايىرىلعان. ال بۇل كٷدٸكتٸگە قاتىستى ايىپ دەلەلدەنسە, قىلمىستىق كودەكس بويىنشا ونىڭ مٷلكٸ تەركٸلەنٸپ, 12 جىلدان 20 جىلعا دەيٸن باس بوستاندىعىنان ايىرىلۋى مٷمكٸن.
باس پروكۋراتۋرا شەتەلدە جاسىرىنىپ جٷرگەن سىبايلاس جەمقورلىق پەن ەكونوميكالىق قىلمىس جاساعانداردى انىقتاۋ جەنە جاۋاپقا تارتۋ جۇمىستارىن جالعاستىرىپ جاتىر.
