قازاقستان ۇلتتىق بانكٸ زاڭدى تۇلعالار ٷشٸن بانكتٸك شوتتاردان قولما-قول اقشانى الۋ جٶنٸندەگٸ تالاپتاردى ٶزگەرتتٸ, دەپ حابارلايدى "ۇلت اقپارات".
قر ۇلتتىق بانكٸ باسقارماسىنىڭ شەشٸمٸمەن بٷگٸن بەكٸتٸلگەن «قولما-قول اقشاعا اينالدىرۋعا رۇقسات بەرٸلگەن سومانىڭ شەكتٸ مٶلشەرٸن بەلگٸلەۋ تۋرالى قاعيدالار» 2020 جىلعى 1 ماۋسىمنان باستاپ كٷشٸنە ەنەدٸ.
قاعيدالار: جەكە تۇلعالارعا; جەكە كەسٸپكەرلەرگە; ميكروكەسٸپكەرلٸك سۋبەكتٸلەرٸنە; اۋىلشارۋاشىلىق ازىق-تٷلٸك ٶنٸمٸن, بالىق ٶسٸرۋ ٶنٸمٸن ساتىپ الۋدى جٷزەگە اسىراتىن زاڭدى تۇلعالارعا; تاماق ٶنٸمدەرٸن, سۋسىنداردى, فارماتسەۆتيكالىق, مەديتسينالىق جەنە ورتوپەدييا تاۋارلارىن بٶلشەك ساۋداسىمەن اينالىساتىن زاڭدى تۇلعالارعا قولدانىلمايدى.
«ۇلتتىق بانك زاڭدى تۇلعالاردىڭ بانكتٸك شوتتاردان قولما-قول اقشانى الۋى ٷشٸن مىنا شەكتٸ سومانى بەلگٸلەيدٸ: شاعىن بيزنەس ٷشٸن – كٷنتٸزبەلٸك ايدا 20 ملن تەڭگە; ورتا بيزنەس ٷشٸن – كٷنتٸزبەلٸك ايدا 120 ملن تەڭگە; ٸرٸ بيزنەس ٷشٸن – كٷنتٸزبەلٸك ايدا 150 ملن تەڭگە.
زاڭدى تۇلعالار ەكٸنشٸ دەڭگەيدەگٸ بانكتەرگە تيٸستٸ نەگٸزدەمەنٸ ۇسىنعان كەزدە بەلگٸلەنگەن ليميتتەن ارتىق الۋعا رۇقسات بەرٸلەدٸ. ٶز كەزەگٸندە, ەكٸنشٸ دەڭگەيدەگٸ بانكتەر سومانى ۇلعايتۋعا ارنالعان ٶتٸنٸمدٸ قر قارجى مينيسترلٸگٸنٸڭ مەملەكەتتٸك كٸرٸستەر كوميتەتٸمەن 3 جۇمىس كٷنٸ ٸشٸندە كەلٸسەدٸ», دەلٸنگەن حابارلامادا.
