فوتو: freepik.com
ەدٸلەت مينيسترٸ ازامات ەسقاراەۆ زاڭداردىڭ مەملەكەتتٸك تٸلدەگٸ مازمۇنىنا بايلانىستى پٸكٸر بٸلدٸردٸ, دەپ حابارلايدى Kazinform اگەنتتٸگٸ.
«زاڭداردى ەدٸلەت مينيسترلٸگٸندە تٸركەگەن كەزدە مەملەكەتتٸك نۇسقاسىنا ساراپتاما جاسايسىزدار ما? ٶيتكەنٸ قازاقشا زاڭنىڭ تٷسٸنٸكسٸز ەكەنٸ تۋرالى شاعىم كٶپ. ەگەر زاڭنىڭ مەملەكەتتٸك تٸلدەگٸ نۇسقاسى تٷسٸنٸكسٸز, ساپاسىز بولسا, كەرٸ قايتارا الاسىزدار ما?», – دەپ سۇرادى جۋرناليست ۆەدومستۆو بريفينگٸندە.
ازامات ەسقاراەۆتىڭ ايتۋىنشا, مينيسترلٸكتە ونداي قۇزىرەت بار.
«قولدانىستاعى زاڭناما بويىنشا ەر مەتٸندە, ەر تٸلدە جازىلعان تەكست حالىققا تٷسٸنٸكتٸ, قولدانۋعا جەڭٸل بولۋى كەرەك دەگەن تالاپ كٶزدەلگەن. ەگەر مەملەكەتتٸك تٸلدە ولقىلىقتار بولسا, تيٸستٸ ماماندار مەن ساراپشىلار سول ولقىلىقتاردى انىقتاسا, ونداي زاڭ جوباسىن تٸركەۋدەن باس تارتامىز. ياعني, ونى باستاماشى بولعان ورگانعا قايتارامىز», – دەدٸ ول.
ۆەدومستۆو باسشىسى مەملەكەتتٸك تٸلدەگٸ نۇسقاسىنىڭ ساپاسىز بولۋىنا بايلانىستى كەرٸ قايتارىلعان زاڭداردىڭ ستاتيستيكاسى جٷرگٸزٸلمەيتٸنٸن ايتتى.
«زاڭ جوبالارى تەك بٸر تٸلدەگٸ مازمۇنى بويىنشا عانا ەمەس, زاڭناماداعى ٶزگە تالاپتارعا سەيكەستٸگٸ بويىنشا ساراپتالادى. سوندىقتان ناقتى مەملەكەتتٸك تٸلدەگٸ مازمۇنى بويىنشا ستاتيستيكا جٷرگٸزبەيمٸز», – دەدٸ ازامات ەسقاراەۆ.
سونداي-اق ول كونستيتۋتسييانىڭ قازاق تٸلٸندەگٸ نۇسقاسى زاڭ تٸلٸنە ساي دەپ ەسەپتەيتٸنٸن ايتتى.
