قىزىلوردا وبلىسىنىڭ جاڭاقورعان اۋدانىندا بٸرنەشە كٷن بۇرىن جوعالىپ كەتكەن 20 جاستاعى مەيٸرجان رٷستەمنٸڭ مەيٸتٸ قۇدىقتان تابىلدى. قايعىلى وقيعاعا بايلانىستى «ادام ٶلتٸرۋ» بابى بويىنشا قىلمىستىق ٸس قوزعالىپ, مارقۇمنىڭ 15 جاستاعى تۋعان ٸنٸسٸ كٷدٸككە ٸلٸنگەن, دەپ حابارلايدى ult.kz.
مەيٸرجان 30 مامىردا ٷيٸنٸڭ اۋلاسىنا تٶسەك سالىپ, تٷنەگەن. الايدا تاڭەرتەڭ ونىڭ جوعالىپ كەتكەنٸ بەلگٸلٸ بولعان. جاقىندارى ٶز بەتتەرٸنشە ٸزدەۋ جٷرگٸزٸپ, بٸر تەۋلٸكتەن كەيٸن جٸگٸتتٸڭ دەنەسٸن ٷيٸنەن شامامەن 400 مەتر جەردەگٸ جەرگٸلٸكتٸ سۋ قۇبىرىنىڭ قۇدىعىنان تاپقان.
مارقۇمنىڭ تۋىستارى ونىڭ دەنەسٸندە كٶگەرگەن ٸزدەر بولعانىن, سونداي-اق موينىنان جٸپكە ۇقساس ٸز بايقالعانىن ايتقان. كەي دەرەكتە مەيٸتتٸڭ كٶرپەگە ورالعان كٷيدە تابىلعانى كٶرسەتٸلگەن.
قۇقىق قورعاۋ ورگاندارى قىلمىسقا كٷدٸكتٸ رەتٸندە مەيٸرجاننىڭ 15 جاستاعى تۋعان ٸنٸسٸن ۇستاعان. ول سوت سانكتسيياسىمەن قاماۋعا الىنعان. الايدا مارقۇمنىڭ اتا-اناسى بۇل نۇسقامەن كەلٸسپەيدٸ. ولاردىڭ ايتۋىنشا, جاسٶسپٸرٸمنٸڭ اعاسىنا قاستاندىق جاساعانىنا سەنۋ قيىن.
وتباسى بۇعان دەيٸن ٷيدەن اقشا ۇرلاۋ فاكتٸلەرٸ بولعانىن ايتىپ, قىلمىسقا باسقا ادامداردىڭ قاتىسى بولۋى مٷمكٸن دەگەن بولجام جاساعان. تۋىستارى ٸستٸڭ جان-جاقتى ەرٸ وبەكتيۆتٸ تەرگەلۋٸن سۇراپ وتىر.
قازٸرگٸ ۋاقىتتا تەرگەۋ جالعاسىپ جاتىر. وقيعانىڭ ناقتى مەن-جايى مەن مەيٸرجاننىڭ ٶلٸمٸنە كٸمنٸڭ قاتىسى بارىن تەرگەۋ انىقتايدى.
