2026-2027 وقۋ جىلىندا ەلٸمٸزدەگٸ 8 مىڭنان استام مەكتەپتە 4,1 ملن بالا بٸلٸم الادى. ونىڭ ٸشٸندە 380 مىڭنان استام بالا 1-سىنىپقا بارادى, دەپ حابارلايدى ult.kz.
قر وقۋ-اعارتۋ مينيسترلٸگٸنٸڭ مەلٸمەتٸنشە, جاڭا وقۋ جىلى قارساڭىندا 62 مىڭ وقۋشى ورنىنا ارنالعان 57 جاڭا مەكتەپ پايدالانۋعا بەرٸلدٸ. جاڭا نىسانداردىڭ اشىلۋى قولدانىستاعى مەكتەپتەردٸڭ جٷكتەمەسٸن ازايتىپ, بالالاردىڭ زاماناۋي جاعدايدا بٸلٸم الۋىنا مٷمكٸندٸك بەرەدٸ.
جاڭا مەكتەپتەردٸڭ ەڭ كٶبٸ الماتى قالاسىندا, باتىس قازاقستان, الماتى, قاراعاندى, اقتٶبە جەنە تٷركٸستان وبلىستارىندا اشىلدى. ولاردا وقۋ ساباقتارىن ٶتكٸزۋگە, سپورتپەن شۇعىلدانۋعا, سونداي-اق وقۋشىلاردىڭ شىعارماشىلىق جەنە تەحنيكالىق داعدىلارىن دامىتۋعا قاجەتتٸ جاعدايلار قاراستىرىلعان.
اپاتتى جەنە ٷش اۋىسىمدى مەكتەپتەر مەسەلەسٸن شەشۋ جۇمىستارى دا جالعاسۋدا. قۇرىلىس ارناۋلى مەملەكەتتٸك قوردىڭ, بٸلٸم بەرۋ ينفراقۇرىلىمىن قولداۋ قورىنىڭ, جەرگٸلٸكتٸ بيۋدجەتتەردٸڭ قاراجاتى جەنە تارتىلعان جەكە ينۆەستيتسييالار ەسەبٸنەن جٷرگٸزٸلۋدە.
سونىمەن قاتار مەملەكەت باسشىسى قاسىم-جومارت توقاەۆتىڭ تاپسىرماسىمەن 1300 مەكتەپتٸ رەنوۆاتسييالاۋ باعدارلاماسى جٷزەگە اسىرىلۋدا. باعدارلاما مەكتەپ عيماراتتارى مەن ماتەريالدىق-تەحنيكالىق بازانى جاڭارتۋدى, قاۋٸپسٸزدٸك دەڭگەيٸن ارتتىرۋدى جەنە زاماناۋي بٸلٸم بەرۋ ورتاسىن قالىپتاستىرۋدى كٶزدەيدٸ.
