بٷگٸن مەجٸلٸس سپيكەرٸ نۇرلان نىعماتۋليننٸڭ تٶراعالىعىمەن جالپى وتىرىس ٶتتٸ. وندا دەپۋتاتتاردىڭ باستاماسىمەن ەزٸرلەنگەن «وتباسىلىق-تۇرمىستىق زورلىق-زومبىلىققا قارسى ٸس-قيمىل تۋرالى» جەنە وعان ٸلەسپە زاڭ جوبالارى ماقۇلداندى, دەپ حابارلايدى "ۇلت اقپارات" تٶمەنگٸ پالاتانىڭ باسپاسٶز قىزمەتٸنە سٸلتەمە جاساپ.
قۇجات وتباسىلىق-تۇرمىستىق زورلىق-زومبىلىققا قارسى ٸس-قيمىل جٶنٸندەگٸ مەملەكەتتٸك ساياساتتىڭ قۇقىقتىق, ەلەۋمەتتٸك, ينستيتۋتسيونالدىق جەنە ۇيىمداستىرۋشىلىق نەگٸزدەرٸن جەتٸلدٸرۋ ماقساتىندا دايىندالعان.
زاڭ جوباسىمەن جۇمىس ٸستەۋ بارىسىندا دەپۋتاتتار تۇرمىستىق زورلىق-زومبىلىق سالاسىنداعى ٸس-قيمىل شارالارىنىڭ تۇتاس جٷيەسٸن قۇرۋعا باعىتتالعان نورمالاردى ەنگٸزٸپ, جاۋاپتى ورگانداردىڭ قۇزىرەتتەرٸن ناقتىلادى.
وسى زاڭ جوباسىنا وراي ٶز پٸكٸرٸن بٸلدٸرگەن مەجٸلٸس تٶراعاسى: «جاسىراتىنى جوق, سوڭعى كەزدە ەلٸمٸزدە تۇرمىستىق داۋلار كٶرسەتكٸشٸ ٶسٸپ وتىر. شىن مەنٸندە, كەز كەلگەن دامىعان ەلدە, ەرينە, وعان جول بەرۋگە بولمايدى. سوندىقتان, تٸكەلەي, پرەزيدەنتتٸڭ تاپسىرماسىنا سەيكەس, بٸزدٸڭ دەپۋتاتتار باستاماشى بولىپ, وسى زاڭ جوباسىن ەزٸرلەدٸ. وسى قۇجاتتاعى جاڭا نورمالار بٷكٸل ەل بولىپ, حالىق بولىپ, قوعام بولىپ وتباسىنداعى جانجالعا قارسى كٷرەسۋگە مٷمكٸندٸك بەرەدٸ. بۇل حالقىمىزدىڭ دەنساۋلىعى, ٶمٸرٸ جەنە بالالارىمىزدىڭ بولاشاعى ٷشٸن ٶتە ماڭىزدى مەسەلە, ٶتە ماڭىزدى زاڭ», - دەپ اتاپ ٶتتٸ.
ايتا كەتۋ كەرەك, زاڭ جوباسى ارقىلى قۇقىق بۇزۋشىلاردىڭ زورلىق-زومبىلىق جەنە اگرەسسييالىق مٸنەز-قۇلقىن ٶزگەرتۋ ٷشٸن پسيحولوگييالىق جاعىنان تٷزەتۋ باعدارلاماسىنان ٶتۋ ارقىلى قۇقىق بۇزۋشىلاردى قايتا ەلەۋمەتتەندٸرۋ جٶنٸندە شارالار ەنگٸزۋ كٶزدەلەدٸ. سونداي-اق, قۇقىق بۇزۋشىلارعا قاتىستى قورعاۋ نۇسقاماسىن شىعارۋ كەزٸندە پوليتسييانىڭ ولاردى باقىلاۋ جٶنٸندەگٸ قۇزىرەتٸن كٷشەيتە وتىرىپ, ۋەكٸلەتتٸ مەملەكەتتٸك ورگانداردىڭ قۇزىرەتتەرٸن ناقتىلاۋ ۇسىنىلادى.
سونىمەن قاتار, زارداپ شەككەندەردٸڭ قۇقىقتارى مەن قاۋٸپسٸزدٸك كەپٸلدٸكتەرٸن بەكٸتۋ جەنە وسى سالاداعى زاڭنامانىڭ ساقتالۋىن قوعامدىق باقىلاۋ مەسەلەلەرٸن رەتتەۋدٸ قاراستىرادى.
