2007 جىلدارى ٶنەر ەلەمٸنە قادام باسقان نۇرجان قالجاننىڭ جۇلدىزىن جاققان "بۇلبۇل قۇسىم" ەنٸنە قاتىستى داۋ شىقتى. بۇل مەسەلە KOREMIZ توك-شوۋىندا ايتىلدى, - دەپ حابارلايدى Massaget.kz تٸلشٸسٸ.
باعدارلاما مەلٸمەتٸنشە, "بۇلبۇل قۇسىم" ەنٸنٸڭ اۆتورى - قىتايداعى قازاق احمەتجان رابجانۇلى. ال ونىڭ پروديۋسەرٸ ەربوسىن نۇرمۇحانۇلى نۇرجان قالجاننىڭ "مىڭ بٸر تٷن" باعدارلاماسىنا بەرگەن سۇحباتىنا قاتىستى نارازىلىعىن بٸلدٸرگەن. نۇرجان قالجان باعدارلاما بارىسىندا بۇل ەن بالاسىنداي بولىپ كەتكەنٸن ايتقان.
ال كەيٸنٸرەك ەن اۆتورىنىڭ پروديۋسەرٸ ەربوسىن نۇرمۇحانۇلى مەلٸمدەمە جاساپ, ەنشٸگە "بۇلبۇل قۇسىم" ونىڭ بالاسى ەمەسٸن ايتقان.
"كەشٸرٸم سۇراسىن, نۇرجاندى زاڭ الدىندا جاۋاپ بەرۋگە مٸندەتتەيمٸن", - دەگەن ەدٸ پروديۋسەر ەربوسىن نۇرمۇحانۇلى باعدارلامادا.
بۇل ەندٸ العاشىندا ەن اۆتورى احمەتجان قىتاي قازاقتارى اراسىندا ورىنداپ تانىلعان. ال كەيٸنٸرەك Ninety one توبىنىڭ ەنشٸسٸ ACE لاقاپ اتىمەن تانىمال ازامات قايراتۇلىنىڭ ٶكٸلدەرٸ بۇل ەندٸ ورىنداۋ ٷشٸن نۇرجان قالجاننان رۇقسات سۇراعان. ال نۇرجان قالجان كەلٸسٸمٸن بەرگەن. بۇل مەسەلەنٸ ۋشىقتىرا تٷسكەن.
"بۇلبۇل قۇسىم" ەنٸنٸڭ قازاقستانعا كەلۋٸنە بٸر كەزدەرٸ نۇرجان قالجاننىڭ پروديۋسەرٸ بولعان قىدىرەلٸ بولماننىڭ دا قاتىسى بار ەكەن. ول دا بۇل جاعدايدان حاباردار. تٸپتٸ وسى مەسەلەلەردەن كەيٸن نۇرجان قالجانعا ونىڭ بٸرەۋگە بەرەتٸندەي قۇقىعى جوعىن دا ايتقان. الايدا ەن ساۋداعا تٷسپەگەن, العاشىندا اۆتورلارى تەگٸن بەرگەن.
سونداي-اق, نۇرجان قالجان باعدارلاما بارىسىندا قىدىرەلٸ بولمانوۆتان نەگە كەتكەنٸن ايتقان.
"قىدىرەلٸ اعامەن ارادا كەلٸسپەۋشٸلٸكتەر بولدى. كەتۋگە مەجبٷر بولدىم. "اعا, راقمەت سٸزگە, ٶنەردە ورتاعا قوستىڭىزدار. بٸراق ٶز جولىممەن جٷرە بەرەيٸن" دەگەن ەڭگٸمە بولدى. ەكەۋ ارا كەلٸسپەۋشٸلٸك بولدى. 10 جىل بولدى. اقشانىڭ, دٷنيەنٸڭ مەسەلەلەرٸ. ارامىزدا رەنٸش بولدى. جاۋاپقا تارتۋ دەگەن دٷنيە بولمادى", - دەيدٸ نۇرجان قالجان سۇحبات بارىسىندا.
باعدارلاما اياعىندا مەسەلە شەشٸمٸن تاۋىپ, نۇرجان قالجان ەن اۆتورىنىڭ پروديۋسەرٸنەن كەشٸرٸم سۇراعان.
