جامبىل وبلىسىندا پوليتسەيلەر مەملەكەتتٸك گرانت رەسٸمدەپ بەرەمٸن دەگەن جەلەۋمەن جاسالعان الاياقتىقتىڭ بٸرنەشە دەرەگٸن تەرگەپ جاتىر. قاسكٶيدٸڭ ەرەكەتٸنەن ٷش تۇرعىن 3,1 ميلليون تەڭگەدەن استام شىعىنعا ۇشىراعان, دەپ حابارلايدى ult.kz.
Polisia.kz مەلٸمەتٸنشە, تاراز قالاسىنىڭ پوليتسيياسىنا ٷش ەر ادام ارىزدانعان. ولار جەكە كەسٸپ اشۋعا نەمەسە بيزنەستٸ دامىتۋعا ارنالعان مەملەكەتتٸك قايتارىمسىز گرانتتى الىپ بەرەمٸن دەگەن ەيەلدٸڭ قۇربانى بولعان.
تەرگەۋ بارىسىندا انىقتالعانداي, 2026 جىلدىڭ اقپان ايىندا جەبٸرلەنۋشٸلەر ەلەۋمەتتٸك جەلٸدەن ٸرٸ مەملەكەتتٸك گرانت رەسٸمدەۋگە كٶمەكتەسۋ تۋرالى جارنامانى كٶرگەن. كەيٸن كٶرسەتٸلگەن سٸلتەمە ارقىلى ٶتٸپ, كٷدٸكتٸمەن مەسسەندجەردە بايلانىس ورناتقان.
ٶزٸن مەملەكەتتٸك باعدارلامالار بويىنشا مامان رەتٸندە تانىستىرعان ەيەل بۇرىن دا كٶپتەگەن ازاماتقا قايتارىمسىز گرانت الىپ بەرگەنٸن ايتىپ سەندٸرگەن. بٸراز ۋاقىتتان كەيٸن ول ەربٸر جەبٸرلەنۋشٸگە 13–13,6 ميلليون تەڭگە كٶلەمٸندەگٸ گرانت ماقۇلدانعانىن حابارلاعان.
الايدا گرانتتى رەسٸمدەۋ ٷشٸن جەكە كەسٸپكەر رەتٸندە تٸركەلۋ, قۇجاتتاردى دايىنداۋ, كونكۋرسقا قاتىسۋ جەنە تٷرلٸ كوميسسييالىق شىعىنداردى تٶلەۋ قاجەت ەكەنٸن ايتىپ, ازاماتتاردان اقشا اۋدارۋدى سۇراعان.
نەتيجەسٸندە جەبٸرلەنۋشٸلەر كٶرسەتٸلگەن بانك شوتتارىنا 1 285 000 تەڭگە, 1 090 400 تەڭگە جەنە 803 000 تەڭگە اۋدارعان.
اقشانى العاننان كەيٸن ەيەل گرانتتىڭ جاقىن ارادا تٷسەتٸنٸن ايتىپ, ۋاقىت سوزعان. الايدا ۋەدە ەتٸلگەن قاراجات بەرٸلمەي, كٶپ ۇزاماي كٷدٸكتٸ بايلانىسقا شىعۋدى توقتاتقان. وسىدان كەيٸن جەبٸرلەنۋشٸلەر پوليتسيياعا جٷگٸنگەن.
اتالعان فاكتٸلەر بويىنشا قىلمىستىق ٸستەر تٸركەلٸپ, سوتقا دەيٸنگٸ تەرگەپ-تەكسەرۋ جٷرگٸزٸلٸپ جاتىر.
پوليتسييا ازاماتتاردى ەلەۋمەتتٸك جەلٸلەردەگٸ كٷمەندٸ جارنامالارعا سەنبەۋگە, بەيتانىس ادامداردىڭ ەسەپشوتىنا اقشا اۋدارماۋعا جەنە مەملەكەتتٸك باعدارلامالار تۋرالى اقپاراتتى تەك رەسمي دەرەككٶزدەردەن تەكسەرۋگە شاقىردى.
