فوتو: مەجٸلٸستٸڭ باسپاسٶز قىزمەتٸنەن
بٷگٸن مەجٸلٸستە «قر كەيبٸر زاڭنامالىق اكتٸلەرٸنە ەسكەري-پاتريوتتىق تەربيە مەسەلەلەرٸ بويىنشا تولىقتىرۋلار ەنگٸزۋ تۋرالى» زاڭ جوباسىنىڭ بٸرٸنشٸ وقىلىم ٶتتٸ, -دەپ حابارلايدى Ult.kz.
قر پارلامەنتٸ مەجٸلٸسٸنٸڭ حالىقارالىق ٸستەر, قورعانىس جەنە قاۋٸپسٸزدٸك كوميتەتٸنٸڭ تٶرايىمى ايگٷل قۇسپان:
"وتاندى سٷيۋ, وتانعا قىزمەت ەتۋدٸ بالا كەزدەن ٷيرەتۋ كەرەك. الايدا, بٷگٸنگٸ كٷنٸ ەلٸمٸزدە بالالار مەن جاستاردىڭ پاتريوتتىق تەربيەسٸ, ياعني وتانعا ادال قىزمەت ەتۋ, ازاماتتىق بورىش پەن نەگٸزگٸ كونستيتۋتسييالىق مٸندەتتەردٸ ورىنداۋ زامان تالاپتارىنا ساي كەلمەيدٸ", -دەپ وتىر.
زاڭ جوباسى «ەسكەري قىزمەت تۋرالى» زاڭىن «ەسكەري-پاتريوتتىق تەربيە», «ەسكەري-پاتريوتتىق تەربيە جٷيەسٸ» تەرميندەرٸنٸڭ مازمۇنىن زاڭنامالىق تۇرعىدان ايقىندايتىن جاڭا باپپەن تولىقتىرادى.
سونىمەن قاتار, وسى نورما رەسپۋبليكالىق جەنە ٶڭٸرلٸك دەڭگەيلەردە ەسكەري-پاتريوتتىق تەربيە جٶنٸندەگٸ ٷيلەستٸرۋ كەڭەستەرٸن قۇرۋدى كٶزدەيدٸ.
كەڭەستەردٸڭ نەگٸزگٸ مٸندەتتەرٸ تٶمەندەگٸدەي:
- ەسكەري-پاتريوتتىق تەربيەنٸ دامىتۋ مەسەلەلەرٸ بويىنشا ۇسىنىستار ەزٸرلەۋ;
- باعدارلامالىق ٸس-شارالاردى ۇيىمداستىرۋ بارىسىندا ازاماتتاردى ەسكەري-پاتريوتتىق تەربيەلەۋدە بارلىق مٷددەلٸ مەملەكەتتٸك ورگاندار مەن ۇيىمداردىڭ جەنە قوعامدىق بٸرلەستٸكتەردٸڭ كٷش-جٸگەرٸ مەن مٷمكٸندٸكتەرٸن بٸرٸكتٸرۋ;
- جاستاردىڭ بويىندا قازاقستان ارميياسىنىڭ جاعىمدى بەينەسٸن قالىپتاستىرۋ ٷشٸن كٶركەم جەنە دەرەكتٸ فيلمدەر جاساۋ, مۋزىكا جەنە ەدەبي شىعارمالار تۋدىرۋ, باسپا ٶنٸمدەرٸن شىعارۋ, تەلەارنالاردا ەسكەرلەر تۋرالى تسيكلدى حابارلار جٷرگٸزۋ جەنە ەلەۋمەتتٸك جەلٸلەردە شىنشىل اقپارات بەرۋ.
"ەسكەري-پاتريوتتىق تەربيە مەسەلەلەرٸندە ٷيلەستٸرٸلگەن جەنە كەلٸسٸلگەن جۇمىستى ٸس جٷزٸندە جٷزەگە اسىرۋ ٷشٸن «قورعانىس جەنە قارۋلى كٷشتەر تۋرالى» زاڭىندا كٶزدەلگەن ورتالىق جەنە جەرگٸلٸكتٸ اتقارۋشى ورگانداردىڭ فۋنكتسييالارىنا تيٸستٸ تولىقتىرۋلار ەنگٸزۋ ۇسىنىلادى.
سونداي-اق, «مەملەكەتتٸك جاستار ساياساتى تۋرالى» زاڭىنا مەدەنيەت سالاسىنداعى ۋەكٸلەتتٸ ورگاننىڭ جاستار ۇيىمدارىمەن ەسكەري-پاتريوتتىق تەربيە مەسەلەلەرٸ بويىنشا ٶزارا ٸس-قيمىلى مەن ىنتىماقتاستىعىن جٷزەگە اسىرۋ بٶلٸگٸندە تولىقتىرۋ ەنگٸزٸلەدٸ.
زاڭ جوباسىن قاراۋ بارىسىندا دەپۋتاتتار ەسكەري-پاتريوتتىق تەربيەنٸ جەتٸلدٸرۋگە, ەسكەري قىزمەتتٸڭ بەدەلٸ مەن تارتىمدىلىعىن ارتتىرۋعا باعىتتالعان بٸرقاتار تٷزەتۋلەردٸ ۇسىندى.
وسىعان بايلانىستى زاڭ جوباسى مازمۇندىق جەنە تۇجىرىمدامالىق جاعىنان بٸرشاما جاقساردى. وسى ٷشٸن ەزٸرلەۋشٸلەر اتىنان جۇمىس توبىنىڭ مٷشەلەرٸنە جەنە قاتىستى دەپۋتاتتارعا العىس بٸلدٸرگٸم كەلەدٸ.
قۇرمەتتٸ ەرٸپتەستەر, مەملەكەت باسشىسى 2023 جىلى ٶتكەن بٷكٸلارمييالىق كەڭەستە جاستارىمىزدى وتانشىلدىققا تەربيەلەۋدٸڭ قاجەت ەكەنٸن ايتقانى بارشامىزدىڭ ەسٸمٸزدە.
ۇسىنىلىپ جاتقان زاڭ جوباسى ٶسكەلەڭ ۇرپاقتى وتانىمىزدىڭ ناعىز جاناشىرىنا اينالدىرۋعا, ولاردىڭ ەسكەري-پاتريوتتىق رۋحىن ارتتىرۋعا ەسەر ەتەتٸنٸ سٶزسٸز. وسىعان بايلانىستى ونى قولداۋلارىڭىزدى سۇرايمىن", -دەيدٸ ايگٷل قۇسپان.
