ل.ن.گۋميلەۆ اتىنداعى ەۇۋ-دىڭ قازاقستان تاريحى كافەدراسىنىڭ پروفەسسورى زادا دٷكەنباەۆا ەلباسى نۇرسۇلتان نازارباەۆتىڭ قحا كەڭەسٸنٸڭ وتىرىسىنداعى قازاق تٸلٸنە ايتقان سٶزٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«قازاق تٸلٸ قازاقتان باسقا كٸمگە كەرەك? مەنٸڭ انام - ەۆرەي, ەكەم - قازاق. بٸراق مەن ٶزٸمدٸ قازاقپىن دەپ سانايمىن. سەبەبٸ مەنٸڭ ەكەم قازاق. بٸراق بٷگٸندە قالىپتى جاعدايعا اينالسا دا ٶز تٸلٸن بٸلمەيتٸن قازاقتارعا قايران قالام. قازاقستاندا 130-دان استام ۇلت ٶكٸلدەرٸ تۇرادى دەسەك تە, كەزٸندە ەلباسى «قازاق قازاقپەن قازاقشا سٶيلەسۋٸ كەرەك» دەگەن ەدٸ. ال بٸزدە بٷگٸنگٸ ححٸ عاسىردا ول تٷگٸلٸ ٶز تٸلٸن بٸلگٸسٸ كەلمەيتٸن قازاقتاردى كەزدەستٸرۋگە بولادى. تٸلدٸ بٸلمەۋ ارقىلى 70 جىل بويى بوداندىقتا بولعان قۇلدىق مەنتاليتەتٸمٸزدٸ ەشكەرەلەيمٸز. ەلبەتتە, كٶپ تٸل بٸلگەن جاقسى. تٸلدٸ بٸلگەن سايىن سەنٸڭ عىلىمعا دەگەن كٶزقاراسىڭ جوعارىلايدى. بٸراق ەربٸر ۇلت ٶز تٸلٸن بٸلۋٸ كەرەك. قازٸر قازاقستاننىڭ جاستارى شەتەلدە جٷر. ورىس نەمەسە امەريكالىق كەلٸپ «قازاق دەگەن قانداي ۇلت?» دەپ سۇراۋى مٷمكٸن عوي. سوندايدا قازاق تٸلٸن بٸلمەي تۇرعان ادام قازاقتىڭ دومبىراسىن, مەدەنيەتٸن, تاريحى تۋرالى نە ايتا الادى?» - دەيدٸ زادا دٷكەنباەۆا.
پروفەسسور بۇرىنعى كەڭەس وداعىنىڭ قۇرامىندا بولعان بٸرقاتار مەملەكەت لاتىن ەلٸپبيٸنە كٶشٸپ قويعانىن ەسكە سالدى.
«ال قازاقستان ەلٸ سونىڭ نٷكتەسٸن قويا الماي كەلە جاتىر. ەلباسى ايتايىن دەگەن ويى وسى. قازاق قازاقپەن قازاقشا سٶيلەسۋٸ كەرەك. مٸنە, بٸز وسىنى تٷسٸنە الدىق پا? جۋرناليستەردٸڭ اراسىندا ٶزگە ۇلت ٶكٸلدەرٸ جٷر. قازاق تٸلٸندە قانداي ەدەمٸ سٶيلەپ جاتىر. سوندىقتان بٷگٸن ۇلتتىق نەگٸزٸمٸزدٸ بٸرٸنشٸ ورىنعا قويۋىمىز كەرەك. بٸراق, نە دەگەنمەن, بارلىق قازاقتار ٶز تٸلٸمٸزدٸ جاڭعىرتا بٸلسەك, باسقا ۇلتتار دا بٸزدٸڭ تٸلٸمٸزدە سٶيلەيدٸ. مەملەكەتتٸڭ تٷپ قازىعى – قازاقتاردىڭ ٶز قولىندا تۇر. بۇل ەشكٸمگە ٷستەمدٸكتٸ كٶرسەتۋ ەمەس, ۇلتتىق كەلبەتٸمٸزدٸ كٶرسەتۋ دەگەن سٶز», - دەدٸ ول.
.jpeg)