كوروناۆيرۋس پاندەميياسى سالدارىنان بار ەلەم وقشاۋلانۋعا مەجبٷر بولدى. بۇل ەكونوميكا, بٸلٸم بەرۋ, دەنساۋلىق ساقتاۋ سىندى بٸرقاتار سالانىڭ جۇمىسىنا ىقپال ەتتٸ. وسى ورايدا قر ۇلتتىق كارديوحيرۋرگييالىق ورتالىعىنىڭ باسقارما تٶراعاسى يۋريي پيا كارانتيندە دونورلىق جۇمىستىڭ قانداي مەسەلەلەرگە تاپ بولعانىن ايتىپ بەردٸ, دەپ حابارلايدى قازاقپارات.
ونىڭ ايتۋىنشا, قازاقستان - پاندەميياعا قاراماستان ترانسپلانتاتسييا جٷرگٸزٸپ جاتقان ورتالىق ازيياداعى جالعىز مەملەكەت.
«كارانتين كەزٸندە بٸزدە عانا ەمەس, بارلىق ەلەمدە ترانسپلانتاتسييا كٶلەمٸ ازايدى. كەي ەلدەردە دونورلىق جۇمىسى مٷلدەم توقتاتىلعان. ەۋروپا ەلدەرٸ ورتاق جەلٸ قۇرىپ, ىقتيمال دونورلار تۋرالى دەرەكتەر بانكٸن قۇردى. وسىلايشا, ورگان مۇقتاجدىعىن جويىپ, تيٸمدٸ جۇمىس ٸستەپ جاتىر. ال بٸز - ورتالىق ازييادا جٷرەك پەن ٶكپە الماستىراتىن جالعىز ەلمٸز. مۇنداي وتانى تەك قازاقستان ٸشٸندە عانا جاساي الامىز. ورگانداردى ٶزگە ەلدەن جەتكٸزە المايمىز جەنە ٶزٸمٸز دە جٸبەرە المايمىز. سوندىقتان بٸزدە قايتىس بولعان ادامنان ورگان الۋ جۇمىستارى ٶتە از جٷرگٸزٸلەدٸ», - دەدٸ يۋريي پيا كارديوحيرۋرگييالىق ورتالىقتا ٶتكەن باسپاسٶز مەسليحاتىندا.
دەرٸگەر 2012 جىلدان بەرٸ قازاقستاندا جٷرەك الماستىرۋدا 81 وتا جاسالعانىن ايتتى.
«بۇل - ٶتە از كٶرسەتكٸش. كٷن سايىن ادامدار جول اپاتىنان, ٶندٸرٸستە نەمەسە ميعا قان قۇيىلىپ قايتىس بولادى. وسىلايشا, ىقتيمال دونورلار سانى كٶپ بولادى. الايدا, ولاردىڭ جاقىندارى مەن تۋىستارى كٶپ جاعدايدا ترانسپلانتاتسيياعا رۇقسات بەرمەيدٸ. (...) حالىقارالىق ستاتيستيكادا 1 ملن ادامدا 10 جٷرەك الماستىرىلادى. بٸزدٸڭ ەلٸمٸزدە جىلىنا شامامەن 180 جٷرەك اۋىستىرۋ سۇرانىسى بار. ال بٸز مۇنداي وتالاردى جىلىنا 10 رەت قانا جاسايمىز. تٸرٸ دونوردان كٶپ جاعدايدا ناۋقاستىڭ تۋىستارىنان بٷيرەك نەمەسە باۋىردىڭ بٸر بٶلٸگٸ الىنادى. ال جٷرەك پەن ٶكپە تەك قايتىس بولعانداردان الىنادى», - دەدٸ يۋريي پيا.
