قر تٶتەنشە جاعدايلار مينيسترٸ يۋريي يلين نۇر-سۇلتان قالاسى كٶشەلەرٸن قالىڭ جاۋىن-شاشىن كەزٸندە سۋ باسۋ مەسەلەسٸنە قاتىستى تٷسٸنٸك بەردٸ, دەپ حابارلايدى قازاقپارات.
«قالانىڭ اۋماعى, تۇرعىندارى مەن قۇرىلىس سانى جىل ساناپ ارتىپ كەلەدٸ. ەلوردا تۇرعىنى رەتٸندە قالىڭ جاۋىن-شاشىن كەزٸندە سىر بەرەتٸن كەرٸزدەردٸڭ جۇمىسىنا قاتىستى شاعىممەن كەلٸسەمٸن. بٸزدە بار مەلٸمەتكە سەيكەس, قالالىق ەكٸمدٸك جاۋىن-شاشىن كەرٸزدەرٸنٸڭ سانىن ارتتىرۋ باعىتىندا شارا قولدانىپ جاتىر», - دەدٸ يلين ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
سونداي-اق, مينيستر قۇرىلىس جوباسىن جوسپارلاعان كەزدە جاۋىن-شاشىن كەرٸزدەرٸ مەسەلەسٸن ەستەن شىعارماۋ كەرەكتٸگٸن ايتتى.
«بۇل جەردە مەسەلەنٸ سەۋلەتشٸلەر مەن قۇرىلىس كومپانييالارىنىڭ الدىنا قويۋ كەرەك. تۇرعىن ٷي, عيماراتتاردى تۇرعىزار كەزدە كەرٸز جەلٸسٸنٸڭ قالاي جٷرەتٸنٸن الدىن الا جوسپارلاعان جٶن. ال ەگەر بٸزدٸڭ ۆەدومستۆونىڭ جۇمىسىنا قاتىستى مەسەلەگە كەلسەك. سۋ تاسقىنى قاۋپٸنٸڭ الدىن الۋ ماقساتىندا قالا ٸشٸنەن ٶتەتٸن ەسٸل ٶزەنٸنٸڭ ارناسى كەڭەيتٸلٸپ, تەرەڭدەتۋ جۇمىسى جٷرگٸزٸلدٸ», - دەيدٸ ول.
