تۋۋ تۋرالى كۋەلٸگٸ جوق مىڭداعان تەجٸك بالاسى ەلەۋمەتتٸك جەڭٸلدٸكتەردەن تىس قالعان. بۇل اقپاراتتى يۋنيسەف-تٸڭ تەجٸكستانداعى ٶكٸلدٸگٸ حابارلادى. بۇۇ-نىڭ بالالار قورى مەن تەجٸكستان ٷكٸمەتٸنٸڭ "كٶشٸ-قون ەسەرٸنە ۇشىراعان بالالاردى قورعاۋ" دەپ اتالاتىن جوباسى بارىسىندا ٷش مىڭعا جۋىق "بەلگٸسٸز بالا" انىقتالعان.
تەجٸك بيلٸگٸ تۋۋ تۋرالى كۋەلٸك بەرەتٸن ورىنعا اتا-انالار كەلمەيتٸنٸن ايتادى. كٶپتەگەن اتا-انالار وتباسىن اسىراۋ ماقساتىندا جۇمىس ٸزدەپ, شەتەلگە كەتكەن. كەيبٸر تەجٸك ميگرانتتارى تەك سوڭعى جىلدارى عانا وتباسىن رەسەيگە بۇرىنعىدان جيٸرەك ەكەتە باستاعان.
قۇقىق قورعاۋشىلاردىڭ سٶزٸنشە, ەڭبەك ميگرانتتارىنىڭ بالالارى اتا-اناسىن جىلدار بويى كٶرمەيدٸ, مەكتەپتٸ تاستاپ كەتەدٸ, ٶزگە تۋىستارىنىڭ كەمسٸتۋٸنە, ٶزگە دە زورلىق-زومبىلىقتارعا ۇشىرايدى.
