Týý týraly kýáligi joq myńdaǵan tájik balasy áleýmettik jeńildikterden tys qalǵan. Bul aqparatty IýNISEF-tiń Tájikstandaǵy ókildigi habarlady. BUU-nyń balalar qory men Tájikstan úkimetiniń "Kóshi-qon áserine ushyraǵan balalardy qorǵaý" dep atalatyn jobasy barysynda úsh myńǵa jýyq "belgisiz bala" anyqtalǵan.
Tájik biligi týý týraly kýálik beretin orynǵa ata-analar kelmeitinin aitady. Kóptegen ata-analar otbasyn asyraý maqsatynda jumys izdep, shetelge ketken. Keibir tájik migranttary tek sońǵy jyldary ǵana otbasyn Reseige burynǵydan jiirek ákete bastaǵan.
Quqyq qorǵaýshylardyń sózinshe, eńbek migranttarynyń balalary ata-anasyn jyldar boiy kórmeidi, mektepti tastap ketedi, ózge týystarynyń kemsitýine, ózge de zorlyq-zombylyqtarǵa ushyraidy.
