بٸرٸككەن ۇلتتار ۇيىمىنىڭ نيۋ-يوركتەگٸ كەڭسەسٸنٸڭ ماڭىنا 2018 جىلى ەسكەري قاقتىعىستار سالدارىنان بولعان بالالار ٶلٸمٸنٸڭ ٷلكەن اۋقىمىن كٶرسەتەتٸن ينستاللياتسييا جاسالدى, دەپ حابارلايدى "ۇلت اقپارات" UNICEF باسپاسٶز قىزمەتٸنە سٸلتەمە جاساپ.
يۋنيسەف ۇسىنعان ينستاللياتسييادا وقۋشىلارعا ارنالعان 3 758 ارقا قورجىنى قۇلپىتاس تٷرٸندە ۇسىنىلعان. قۇلپىتاس تٷرٸندەگٸ بالالار سٶمكەلەرٸ ەسكەري ەرەكەتتەر سالدارىنان بٷلدٸرشٸندەردٸڭ قىرشىننان قيىلعانىن كٶرسەتەدٸ.
«يۋنيسەف سٶمكەلەرٸ بارلىق ۋاقىتتا ٷمٸت پەن بالالىق شاقتىڭ سيمۆولى بولعان. ەكٸ اپتادان كەيٸن ەلەم كٶشباسشىلارى بالالار قۇقىعى تۋرالى كونۆەنتسييانىڭ 30 جىلدىعىن اتاپ ٶتۋ ٷشٸن بۇۇ باس اسسامبلەياسىنىڭ كەزەكتٸ سەسسيياسىنا جينالادى. بۇل ينستاللياتسييا ولارعا باستى دٷنيەنٸ ەسكە سالۋى كەرەك», - دەدٸ اتالمىش ۇيىمنىڭ اتقارۋشى ديرەكتورى گەنريەتتا فورە.
باس حاتشىنىڭ 2019 جىلعى بالالار مەن قارۋلى قاقتىعىستار تۋرالى جىل سايىنعى بايانداماسىنا سەيكەس, ٶتكەن جىلى ەسكەري قاقتىعىستار بولعان ايماقتاردا 12 مىڭنان استام كٶز جۇمدى نەمەسە جاراقات الدى. بۇل, بٸرٸككەن ۇلتتار ۇيىمى وسى اۋىر جاعدايدى باقىلاپ, حابار بەرە باستاعاننان بەرگٸ ەڭ جوعارعى كٶرسەتكٸش. بۇل تەك انىقتالعان جاعدايلار عانا, شىن مەنٸندە اتالعان كٶرسەتكٸش ودان دا كٶپ بولۋى مٷمكٸن.
