29 تامىزدا استاناداعى №2 ەسٸل اۋداندىق سوتىندا قازاقستان جۋرناليستەر وداعىنىڭ تٶراعاسى سەيٸتقازى ماتاەۆ جەنە ۇلى ەسەت ماتاەۆتاردىڭ قىلمىستىق ٸسٸ بويىنشا سوتتىڭ ٸستٸ قاراۋى جالعاستى. ولارعا «الاياقتىق جاسادى جەنە سالىقتان جالتاردى» دەگەن ايىپتار تاعىلىپ وتىر.
«قازاقتەلەكوم» اق-نا قاتىستى ەپيزود بويىنشا سوتقا جاۋاپ بەرگەن «قازاقتەلەكوم» اق-نىڭ بۇقارامەن بايلانىس جٶنٸندەگٸ قىزمەتٸنٸڭ بۇرىنعى جەتەكشٸسٸ يۋلييا يساكوۆا ب. ماحانبەتاجيەۆتٸڭ تٸكەلەي تاپسىرماسى بويىنشا «ۇلتتىق باسپاسٶز كلۋبىنا» تەندەردٸ ۇتقىزۋعا تاپسىرما بەرٸلگەنٸن ەڭگٸمەلەپ بەردٸ. «بۇقارامەن بايلانىس جٶنٸندەگٸ قىزمەتكە تٸكەلەي جەنە جالعىز باتىر ماحانبەتاجيەۆ باسشىلىق ەتتٸ. 2011-2012 جىلدارى ماحانبەتاجيەۆ ماعان تەندەر ٶتكٸزۋدە «ۇلتتىق باسپاسٶز كلۋبىنا» بارىنشا باسىمدىق بەرٸپ, ۇتقىزۋدى تاپسىردى. سول سەبەپتەن مەن مەنەدجەرلەر ز. قازىباەۆا مەن م. ۋەليحانعا كەلٸسٸم-شارتتا باسپا باق-تاردىڭ پرايس-پاراقشاسىنداعى باعانى ەمەس, ەلەۋەتتٸ جەتكٸزۋشٸ – «ۇلتتىق باسپاسٶز كلۋبىنىڭ» تەندەرلٸك قۇجاتتارىندا كٶرسەتٸلگەن باعانى بەلگٸلەۋدٸ ۇسىندىم. ونداعى باعا باسقا باسپا باق-دٸكٸنەن جوعارى بولاتىن» دەدٸ ول سوت وتىرىسىندا.
بۇعان قوسا, يۋ. يساكوۆا س. ماتاەۆتىڭ تۋىسى ەرٸ كٶمەكشٸسٸ, «ۇلتتىق باسپاسٶز كلۋبىنىڭ» ٶكٸلٸ ەرلان رامازانوۆقا كٶمەكتەسكەنٸن جاسىرماي ايتىپ بەردٸ. ول كومپانييا مەنەدجەرلەرٸنە «ۇلتتىق باسپاسٶز كلۋبىنىڭ» تەندەردٸك قۇجاتتارىن جاقسىلاپ قاراپ, جەكەلەگەن كەمشٸلٸكتەرٸن جويۋعا تاپسىرما بەرٸپ وتىرعان. سونداي-اق, ە. رامازانوۆتى تەندەر ٶتپەي تۇرىپ, تەندەرلٸك قۇجاتتارمەن جەنە «قازاقتەلەكومنىڭ» بيۋدجەتٸمەن تانىستىرعان. سونىڭ نەتيجەسٸندە 2011-2012 جىلدارى تەندەر ٶتكٸزٸلمەگەن بولىپ سانالىپ, سونىڭ نەتيجەسٸندە ول قازىباەۆا مەن ۋەليحانعا قايتا تەندەر ٶتكٸزبەي-اق, «ۇلتتىق باسپاسٶز كلۋبىمەن» «بٸر كٶزدەن» قارجىلاندىرۋعا كەلٸسٸم-شارت جاساۋدى تاپسىرادى. مۇنداي نورما مەملەكەتتٸك ساتىپ الۋ تەرتٸبٸنە قايشى كەلمەيتٸن ەدٸ.
يۋ. يساكوۆا دا باسپا باق-تاردا جارىققا شىققان ماتەريالدارعا تەكسەرۋ جٷرگٸزبەي-اق, «ۇلتتىق باسپاسٶز كلۋبى» جٸبەرگەن اتقارىلعان جۇمىستار تۋرالى اكتٸلەرگە قولىن قويعان. ونىڭ نۇسقاۋىمەن جۇمىس ٸستەگەن مەنەدجەرلەر كەلٸسٸم-شارتتار جاسالماي تۇرىپ-اق, «قازاقتەلەكومنىڭ» قىزمەتٸ تۋرالى ماتەريالداردى باسپا باق-تارعا ورنالاستىرعان. ول سوت الدىنداعى بەرگەن جاۋابىندا ب. ماحانبەتاجيەۆتٸڭ تاپسىرمالارىن جۇمىستان بوساتا ما دەگەن قورقىنىشپەن ورىنداعانىن ايتتى.
ەمٸرلان ەلٸمجان
