بٷكٸلەلەمدٸك بوكس كەڭەسٸنٸڭ (WBC) باسشىسى ماۋريسيو سٷلەيمان سوڭعى ۋاقىتتا ورتا سالماقتاعى WBC/WBA/IBO ەلەم چەمپيونى گەنناديي گولوۆكيننٸڭ ٶز قارسىلاسى, مەكسيكالىق ساۋل «كانەلو» الۆارەسكە قاتىستى ٶتكٸر پٸكٸرلەر ايتىپ, مٸنەز-قۇلقى ايتارلىقتاي ٶزگەرە باستاعانىن اتاپ ٶتتٸ, دەپ جازادى Sports.kz.
GGG مەن «كانەلونىڭ» قارىم-قاتىناسى مەكسيكالىقتىڭ كلەنبۋتەرولعا دوپينگ-سىناماسى ەكٸ رەت وڭ نەتيجە بەرگەننەن سوڭ بٸردەن ناشارلاپ, مامىرداعى جەكپە-جەگٸ كەيٸنگە شەگەرٸلگەن بولاتىن.
«بٸز جاڭا كەزەڭدە, جاڭا گولوۆكينمەن تانىسىپ جاتىرمىز. سوڭعى جىلدار وعان اۋىر تيدٸ. «كانەلومەن» رەماتچ تۋرالى كەلٸسسٶزدەر دە قيىنعا سوقتى, سەبەبٸ ول ٶزٸن كەيٸنگٸ جوسپارعا ىسىرىلعانداي سەزٸندٸ. ونىڭ مەلٸمدەمەسٸ «كانەلوعا» جەتٸپ, بۇل وعان رەماتچتا ىقپال ەتۋٸ مٷمكٸن. بٸز بۇل تۋرالى جەكپە-جەك كٷنٸ بٸلەتٸن بولامىز. ولاردىڭ (الۆارەستٸڭ كومانداسى) دوپينگكە قاتىستى پروبلەماسى بولدى, ول كەزدە گولوۆكين ونىڭ نە ەكەنٸن بٸلگەن جوق ەدٸ. بۇل ونىڭ اشۋىن تۋعىزدى», - دەدٸ سٷلەيمان Boxingscene.com-عا بەرگەن سۇحباتىندا.
