بٷگٸن استانادا جاستار جىلىنىڭ اشىلۋىنا ارنالعان شارادا قازاقستانداعى ەڭ جاس ستۋدەنت ابزال مىرزاش قر پرەزيدەنتٸ نۇرسۇلتان نازارباەۆقا الداعى جوسپارلارى تۋرالى ايتىپ بەردٸ, دەپ حابارلايدى قازاقپارات.
«مەن دە ەلٸمٸزدٸڭ شىنايى پاتريوتى رەتٸندە قازاقستاننىڭ الدىڭعى قاتارلى وزىق تەحنولوگيياسى بار, عىلىمى مەن ەكونوميكاسى دامىعان ٶركەنيەتتٸ 30 ەلدٸڭ قاتارىندا بولۋىنا ٶز ٷلەسٸمدٸ قوسقىم كەلەدٸ. سوندىقتان الداعى ۋاقىتتا قازاق-بريتان تەحنيكالىق ۋنيۆەرسيتەتٸن بٸتٸرگەن سوڭ, اقش-تاعى ماسساچۋسەتس تەحنولوگييا ينستيتۋتىنىڭ ماگيستراتۋراسىندا جەنە دوكتورانتۋراسىندا وقۋدى جالعاستىرىپ, اقپاراتتىق تەحنولوگييامەن بٸرگە, نانوتەحنولوگييانى مەڭگەرٸپ, قازاقستاننىڭ عىلىمىنا ٶز ٷلەسٸمدٸ قوسامىن دەگەن ٷلكەن ماقساتىم بار», - دەدٸ ابزال مىرزاش.
سونىمەن قاتار ول ەلٸمٸزدە كومپيۋتەرلٸك تەحنيكانى جەنە ونى جابدىقتايتىن قۇرالداردى, روبوتوتەحنيكانى, نانوروبوتتاردى جاسايتىن ٷلكەن كەسٸپورىن اشۋعا نيەتتٸ ەكەنٸن ايتتى.
«قۇرمەتتٸ نۇرسۇلتان ەبٸشۇلى! سٸز ٷنەمٸ لاتىن قارپٸنە كٶشۋ تۋرالى ايتىپ كەلەسٸز. ٶيكەنٸ لاتىن ەلٸپبيٸنە كٶشۋ - ٸت-تەحنولوگييالىق پروگرەستەن قالىس قالماۋعا, ەڭ باستىسى, قازاق تٸلٸن جاڭعىرتۋعا جاعداي تۋعىزادى. سوندىقتان ۇسىناتىن ەكٸ جوبام بار. بٸرٸنشٸ جوبامدا كومپيۋتەردٸڭ پەرنەتاقتاسىنا ىڭعايلاپ «ابزال الفاۆيت» دەپ اتالاتىن قازاق-لاتىن ەلٸپبيٸن جاسادىم. وسى نۇسقاما اۆتورلىق كۋەلٸك الدىم. مەنٸڭ بۇل نۇسقام ارقىلى ەلەمنٸڭ كەز كەلگەن جەرٸنەن كومپيۋتەردٸڭ ستاندارتتى اعىلشىن پەرنەتاقتاسىن پايدالانىپ, قازاقشا جازۋعا بولادى», - دەدٸ ا. مىرزاش.
ونىڭ سٶزٸنە قاراعاندا, ەكٸنشٸ جوبادا كيريلليتسادان لاتىن قارپٸنە اۋداراتىن كونۆەرتەر باعدارلاما جاسالدى.
«قازٸر مەنٸڭ كونۆەرتەر باعدارلامام ارقىلى كيريلليتسادان لاتىن گرافيكاسىنداعى قازاق قارپٸنە 1 مينۋتتا 1 200-دەن استام كٸتاپ اۋدارۋعا بولادى», - دەدٸ ۆۋندەركيند.
بۇدان بۇرىن حابارلانعانداي, قازاقستانداعى ەڭ جاس ستۋدەنت ابزال مىرزاش قازاق-بريتان تەحنيكالىق ۋنيۆەرسيتەتٸندە بٸلٸم الىپ جاتىر.
وقۋ ورنىنىڭ باسشىلىعى, بازالىق فاكۋلتەت دەكاناتى, اقپاراتتىق تەحنولوگييالار دەكاناتى جاس ستۋدەنتتٸ جٸتٸ باقىلاۋعا العان.
.jpeg)