سۋمەن جابدىقتاۋ پروتسەستەرٸن اۆتوماتتاندىرۋ قاجەت. بۇل تۋرالى قر يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ ايتتى, دەپ حابارلايدى قازاقپارات تٸلشٸسٸ.
«اۋىز سۋ تاپشىلىعى سەبەپتەرٸنٸڭ بٸرٸ سۋعا سالعىرت قاراۋ بولىپ تۇر. بۇل ٶز كەزەگٸندە ٶتكٸزۋ باعاسى تٶمەن بولعان كەزدە تۇتىنۋ كٶلەمٸنٸڭ جوعارى بولۋىنا سەپ بولدى. تاريف قالىپتاستىرۋدىڭ ەلەۋمەتتٸك ەدٸسٸ دە سۋ ارنالارىن قارجىلاندىرۋدىڭ جەتكٸلٸكسٸزدٸگٸنە, سوعان وراي جٷيەنٸڭ جىلدام توزۋىنا الىپ كەلدٸ. وسى جايت اپاتتار سانىنىڭ ارتۋىنا, سۋدىڭ بوسقا شىعىندالۋىنا جەنە ونىڭ ساپاسىنىڭ ناشارلاۋىنا جول اشتى. وسىعان وراي بٸزگە سۋدى پايدالانۋ جەنە ونىڭ قۇنىن قايتادان باعالاۋ قاجەت», - دەدٸ ول مەجٸلٸستەگٸ دٶڭگەلەك ٷستەل بارىسىندا.
ونىڭ اتاپ ٶتۋٸنشە, سۋ رەسۋرستارىن ٷنەمدەۋ ماقساتىندا سۋمەن جابدىقتاۋ, سۋ بۇرۋ جەنە تازارتۋ جٷيەسٸنٸڭ ٶندٸرٸستٸك قۇرىلىستارىنىڭ پروتسەستەرٸن اۆتوماتتاندىرۋ قاجەت. اۋىز سۋ تۇتىنۋ نورماسىن قايتا قاراپ, ەسەپكە الۋ اسپاپتارىن ورناتۋ ٸس-شارالارىن قولعا الۋ كەرەك.
«مەسەلەن, شىمكەنت قالاسىندا سۋ ارنالارىن تولىقتاي اۆتوماتتاندىرۋ, سۋ كٶزٸنەن تۇتىنۋشىعا دەيٸن ەسەپكە الۋ اسپاپتارىن ورناتۋ ەسەبٸنەن 23 جىلدىڭ ٸشٸندە بٸر ادامنىڭ سۋ تۇتىنۋ كٶلەمٸ تەۋلٸگٸنە 456 ليتردەن 121 ليترگە دەيٸن قىسقاردى. بۇل شامامەن 40 ملرد تەڭگەنٸ ٷنەمدەۋگە مٷمكٸندٸك بەردٸ. سونىمەن قاتتار «استانا سۋ ارناسىن» اۆتوماتتاندىرۋ ەسەبٸنەن ٷش جىلدا 523 ملن تەڭگە ٷنەمدەلدٸ. ول نەگٸزٸنەن ەلەكتر ەنەرگيياسى شىعىندارىنىڭ قىسقارۋى, جەلٸلەردە اپاتتى جاعدايلاردىڭ تٶمەندەۋٸ ەسەبٸنەن بولدى. وسىعان وراي جەرگٸلٸكتٸ اتقارۋشى ورگاندار كەسٸپورىندارمەن بٸرلەسٸپ, جوعارىدا اتالعان ٸس-شارالاردى جٷزەگە اسىرۋ ٸشٸن ناقتى شارالاردى قابىلداۋى تيٸس», - دەدٸ بٸرٸنشٸ ۆيتسە-مينيستر.
