بٸلٸم جەنە عىلىم ۆيتسە-مينيسترٸ شولپان قارينوۆا مەكتەپ مۇعالٸمٸنٸڭ مەرتەبەسٸ زاڭمەن قالاي قورعالاتىنىن ايتىپ بەردٸ, دەپ حابارلايدى قازاقپارات.
«قازاقستاندا جەلتوقسان ايىندا قابىلدانعان «پەداگوگتار مەرتەبەسٸ تۋرالى» زاڭ مەن ەكٸمشٸلٸك رەسٸمدەر تۋرالى كودەكسكە ەنگٸزٸلگەن ٶزگەرٸستەر نەگٸزٸندە 2020 جىلدىڭ 31 ناۋرىزىندا بۇيرىق قابىلداندى. بۇل بۇيرىق بٸلٸم بەرۋ جٷيەسٸندە تەكسەرۋ جٷرگٸزۋ بويىنشا تەۋەكەل دەرەجەسٸن قاراپ, ٶلشەم شارتتارى مەن تەكسەرۋ پاراقتارىن بەكٸتۋدٸ كٶزدەيدٸ. ياعني, مۇعالٸمدەردەن تيٸستٸ ەمەس جۇمىستاردى تالاپ ەتكەن جاعدايدا ەكٸمشٸلٸك ايىپپۇل سالۋ كٶزدەلگەن», - دەدٸ شولپان قارينوۆا بٸلٸم جەنە عىلىم مينيسترلٸگٸنٸڭ ونلاين رەجيمدە ٶتكەن اپپاراتتىق وتىرىسىندا.
ۆيتسە-مينيستر بۇل رەتتە اۋماقتىق دەپارتامەنتتەر ناقتى قانداي جاعدايدا مۇعالٸمدەردٸ مٸندەتٸنەن تىس جۇمىسقا تارتقاندارعا ايىپپۇل سالىناتىنىن ايتىپ بەردٸ.
«ناقتى ايتىپ وتىرعان بۇيرىققا بايلانىستى ٶڭٸرلەردەگٸ دەپارتامەنتتەرگە قۇزٸرەتٸنە 1 سەۋٸردەن باستاپ بەرٸلٸپ, جۇمىس باستالدى. مۇنىڭ ٸشٸنە پەداگوگتاردان ەسەپتٸلٸك نەمەسە ٶزٸنە بايلانىستا ەمەس اقپاراتتاردى سۇراتقاندار, مۇعالٸمدەردٸ ٶزٸنٸڭ, ياعني كەسٸبي ماماندىعىمەن بايلانىستى ەمەس جۇمىستارعا تارتقاندار, پەداگوگتاردى تاۋارلار مەن قىزمەتتەردٸ ساتىپ الۋعا مٸندەتتەپ, مەملەكەتتٸك بٸلٸم مەكەمەلەرٸندەگٸ قىزمەتكەرلەردٸ باسقا مەملەكەتتٸك ەمەس ۇيىمداردىڭ ٸس-شارالارىن ٶتكٸزۋگە تارتاتىندار جاۋاپكەرشٸلٸك ارقالايدى», - دەدٸ ۆيتسە-مينيستر.
ەسكە سالساق, بۇعان دەيٸن قر بٸلٸم جەنە عىلىم مينيسترٸ اسحات ايماعامبەتوۆ بالاباقشا, مەكتەپ پەن كوللەدجدە قاعازباستىلىقتان ارىلاتىن كٷن كەلگەنٸن مەلٸم ەتكەن بولاتىن.
