قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ امانيياز ەرجانوۆ ارمەنييادان جەتكٸزٸلٸپ جاتقان اۆتوكٶلٸكتەرگە قاتىستى پٸكٸر بٸلدٸردٸ, دەپ حابارلايدى قازاقپارات تٸلٸشٸسٸ.
«بٸز ٶزٸمٸزدٸڭ اقپاراتتىق ارنالارىمىز ارقىلى اقش-تان ارمەنيياعا شامامەن 60 مىڭ اۆتوكٶلٸك جەتكٸزٸلگەنٸن بٸلەمٸز. ەندٸ ولار بۇل كٶلٸكتٸ ەلدەرٸنە كٸرگٸزدٸ, بٸزدە بٸرىڭعاي كەدەندٸك تاريف بار. دەگەنمەن, ولار كٶلٸكتەردٸ ٶزدەرٸندە قالدىرۋى تيٸس. ال بارشا كەدەندٸك وداققا تاراتۋ ٷشٸن بٸزدٸڭ ازاماتتار ارمەنييادا ۋاقىتشا تۇرعىلىقتى جەردٸ رەسٸمدەپ, ارمەنييانىڭ ازاماتتارىمەن قاتار وسى ماشينالاردى ساتىپ الادى. ياعني ەشبٸر قوسىمشا باج سالىعىنسىز كٶلٸكتەردٸ قازاقستانعا ارمياندىق نٶمٸرلەرٸمەن كٸرگٸزٸپ, وسىندا ەمٸن-ەركٸن جٷر», - دەدٸ ا. ەرجانوۆ ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ سٶزٸنە قاراعاندا, بۇل ٶز كەزەگٸندە قازاقستاندىق جول پوليتسەيلەرٸ ٷشٸن پروبلەما تۋدىرادى.
«ولاردى جاۋاپكەرشٸلٸككە تارتا المايدى. اتاپ ايتقاندا, وسى نٶمٸرمەن جٷرگەن كٶلٸكتەر جولداعى جىلدامدىقتى اسىرىپ, جول ەرەجەسٸن بۇزسا دا, وسى ٷشٸن ەشقانداي جاۋاپكەرشٸلٸككە تارتىلمايدى. سونىمەن بٸرگە, ايىپپۇل تٶلەمەيدٸ, سوتقا تارتىلمايدى. مۇنداي كٶلٸكتەر كٶپتەپ كٸرگٸزٸلسە, وندا بٸزدٸڭ جەڭٸل كٶلٸك ٶندٸرٸسٸن ارتتىرۋ بويىنشا جۇمىستارىمىز جەنە اۆتونەسيەلەۋ بويىنشا شارالارىمىز بوسقا قالادى», - دەدٸ ۆيتسە-مينيستر.
ونىڭ سٶزٸنە قاراعاندا, ارمەنييادا اۆتوكٶلٸكتٸ ەكٸ ەسە ارزان باعامەن الۋعا بولادى. سونىمەن قاتار ۆيتسە-مينيستر وسىنداي اۆتوموبيلدەردٸ ساتىپ الۋعا قاتىستى مەملەكەت توسقاۋىل قويمايتىنىن اتاپ ٶتتٸ.
«بۇل باعىتتا قارسى شارالار قابىلدانبايدى. ەگەر دە ەل ازاماتتارى وسىنداي ماشينالاردى العىسى كەلسە, وندا قارسى قادامداردى قابىلداۋدىڭ رەتٸ جوق. كەرٸسٸنشە, وسىنىڭ بارلىعى زاڭدى بولۋى ٷشٸن شەشٸم قابىلاۋ كەرەك, ياعني الداعى ۋاقىتتا بٸزدٸڭ ازاماتتاردا زاڭ الدىندا, قۇقىق قورعاۋ ورگاندارى الدىندا پروبلەمالارى بولماس ٷشٸن. ارمەنييادا ۋاقىتشا تٸركەۋگە تۇرۋ ارقىلى ماشينا ساتىپ الىپ, ونى ەلٸمٸزگە ترانزيتتٸك نٶمٸرمەن كٸرگٸزۋ كەرەك ەمەس. ودان دا كٶلٸكتٸ الىپ كەلٸپ, تٸركەۋگە قويىپ, زاڭدى تٷردە جٷرگەن دۇرىس بولار. ٶيتكەنٸ قازٸرگٸ كەزدە ولار وسىندا دا, ارمەنييادا دا سالىق تٶلەپ جاتقان جوق», - دەدٸ ول.
