قر پرەمەر-مينيسترٸنٸڭ ورىنباسارى بەردٸبەك ساپارباەۆ اقمولا وبلىسىنا جۇمىس ساپارى بارىسىندا زەرەندٸ اۋدانىنداعى ۆيكتوروۆكا اۋىلىنىڭ تۇرعىندارىمەن كەزدەستٸ, دەپ حابارلايدى "ۇلت اقپارات".
ۆيتسە-پرەمەر الدىمەن ۆيكتوروۆكا اۋىل مەكتەبٸندە بولدى. مەكتەپ ديرەكتورى جەميلا قاسەنوۆانىڭ ايتۋىنشا, بٷگٸندە بٸلٸم وشاعىندا 204 وقۋشى تەلٸم-تەربيە الۋدا. ونىڭ ٸشٸندە بٶگەنباي بي اۋىلىندا تۇراتىن 13 وقۋشى كٷندەلٸكتٸ شاعىن اۆتوبۋسپەن تاسىمالدانادى. كٶپ بالالى جەنە تۇرمىسى تٶمەن وتباسىنداعى 59 بالا تەگٸن ىستىق تاماقپەن قامتىلعان.
ال, مەدەنيەت ٷيٸن ارالاپ, تۇرعىندارمەن كەزدەسكەن ۆيتسە-پرەمەر قر پرەزيدەنتٸ قاسىم-جومارت توقاەۆتىڭ قازاقستان حالقىنا جولداۋىنىڭ باستى باعىتتارىن تٷسٸندٸردٸ.
اتاپ ايتقاندا, ۆيتسە-پرەمەر كەلەسٸ جىلدىڭ 1 قاڭتارىنان باستاپ ەڭگٸزٸلەتٸن كٶپبالالى جەنە مۇقتاج وتباسىلارعا ارنالعان كٶمەكتٸڭ جاڭا ەدٸسٸ تۇرالى ايتتى.
اۋىل تۇرعىندارى زەينەتكەرلٸك جەنە تۇرعىن ٷيمەن قامتاماسىز ەتۋ, مۇقتاج وتباسىلارعا ەلەۋمەتتٸك كٶمەك كٶرسەتۋ, جۇمىسقا ورنالاستىرۋ, مەملەكەتتٸك قولداۋ شارالارىن كٶرسەتۋ جەنە باسقا دا مەسەلەلەردٸ شەشۋگە قاتىستى كٶكەيدەگٸ ساۋالدارىن قويىپ, جاۋاپ الدى.
كەزدەسۋدە 1247 ادام تٸرشٸلٸك كەشٸپ جاتقان ۆيكتوروۆكا اۋىلىنىڭ تۇرعىندارى كٶتەرگەن باستى مەسەلە, بٸر ورتالىقتاندىرىلعان اۋىز سۋمەن قامتاماسىز ەتۋ بولدى.
«بٷگٸنگٸ كٷنٸ اۋىلداعى باستى مەسەلە – اۋىز سۋ. بۇل تۋرالى ايتىلعانى نەشە جىل. ەلٸ شەشٸلەتٸن ەمەس. جەرگٸلٸكتٸ شارۋاشىلىق سۋدى تۇرعىندارعا تاسىمالداپ جەتكٸزٸپ بەرەدٸ. بٸراق, ول بٷكٸل اۋىلدى سۋمەن قامتاماسىز ەتۋ جەتكٸلٸكسٸز. وسى مەسەلەنٸڭ شەشٸلۋٸنە اتسالىسساڭىز», - دەدٸ اۋىل تۇرعىنى ليۋبوۆ بەريۋكوۆا.
وسى رەتتە, ۆيتسە-پرەمەر تۇرعىنداردىڭ ساۋالىن تىڭداي كەلە, بۇل مەسەلەنٸڭ الداعى ۋاقىتتا شەشٸلەتٸنٸن ايتتى.
«اۋىز سۋ مەسەلەسٸ بٸزگە بەلگٸلٸ. سۋ قۇبىرىن تارتۋ ٷشٸن تيٸستٸ قۇجاتتاردى دايىنداۋ قاجەت. ونىڭ قۇنى شامامەن 300 ميلليون تەڭگە شاماسىندا. ونى ٷكٸمەت پەن وبلىس ەكٸمدٸگٸ بٸرلەسٸپ شەشەتٸن بولادى», - دەپ جاۋاپ بەردٸ ب. ساپارباەۆ تۇرعىنداردىڭ ساۋالىنا وراي.
